العاســرة
 

بسم الله ابدا في هروج القاله = فالعاسره ربع الظفر والطاله
ربع إلى جات اللوازم تاقف = وقف شجاع وافي بأفعاله
واللي يقابلهم براس حامي = حطو عقاله في محل نعاله
وساقو له المعبر ودقو عينه = وأخفوه عالدنيا بكل أحواله
ربعي لهم بين القبايل منزل = والناس واجد كلن ومنزاله
مانيب مشكور على مدحتهم = واقدم خصال الشعر وجزاله
وفي مدح ربعي دايم ابدع شعري = واقول شي ماحد قد قاله
شعار والشعار تشعر دايم = وانا على قول القصايد واله
شاعر ونبع الشعر ينهل ينهل = والشعر في يوم الوغى حناله
اجيب لك معنى يسر الخاطر = واكمله بالمفرده الفعاله
ولانيب من يمدح شيوخ النعمه= شيخ يسمى شيخ لاجل بقاله
المدح أقوله للذي يستاهل = شيخ يروم المجد باسم رجاله
زعيمنا شيخ الكرم بو تركي = خذ الكرم من ابوه وخاله
ولا بعدي شاعر رجال الحجر = بويه عساني فدوه لنعاله
يشوش راسي يوم اشوفه يشعر = واطرب إلى من شفت ميل عقاله
من داعي ابني عمرو سيف مذهب = سيف يبرع في يدي من شاله
ولنا مواقف يشهد الله بها = الناس رجليه وحن خياله
ولا بمدح إلا كفو ولا ونعم = أما الردي فال الله ولا فاله
يالله تديم الكفو ذخر دايم = وتسقي دياره من نصوب خياله
واقول ياربعي وياجمهوري = مشواري الشعري بدا منواله
محتاج وقفتكم بكل القادم = من دعم او تأييد أو إطلاله
واشكر رجال المنتدى بأكملهم = فهم رجال يحتمون القاله
واختم قصيدي واول انتاجاتي = بأزكى صلاة على النبي وآله

شبل من ذاك الأسد ما شاء الله ..
بالتوفيق يا تركي ومزيداً من التألق أتمناه لك ..
الفارس الملغمق ..
الله يعطيك العافية ..

أشكرك اخي الفارس على نقل القصيدة هنا ...

وماشالله هذه القصيدة تدل على أن تركي شاعر وله مستقبل وليس ذلك عليه بغريب ...

قصيدة جزلة وهي على البحر الهلالي وهو من أصعب بحور الشعر النبطي ...

وإلى الأمام يا تركي وصح الله لسانك مدحت ربعك ويستاهلون اكثر ... ولا يهنون كافة القبايل


إحترامي

مبدع كما ابوه ::الشبل من ذاك الاسد الذى ياما اخذت منه جلد بالخيزرانه ايام المدرسه

ربي يعافيك أبو ريان ..
وإطلالتك شرف لنا ..
تحياتي ..

جبرني الوقت ..
تواجدك هو جميل .. يزيد من الروح لهذا الشاعر ..
وبما أنك مشرف هذا القسم دعمك له الدور الأكبر ..
تحياتي ..

تواجدك يشرفنا ..
والقضا من ذاك الشبل ..
الحق عليه ..
تحياتي ..

والله والف ونعم اول شيء في العاسرة

ثانيا بالتوفيق لهذا الولد والله يجعله اطلق من ابووووووووووووه

والنعم بحالك ..
وبالتوفيق لك ..
شاكر تواجدك ..
تحياتي ..

بالتوفيق .. للشاعر تركي .. وفعلاً من شابه أباه فما ظلم ..
الشعر لدى آل ذياب .. من قديم الزمن وهم أهل له ..
مدحت ربعك ووصفتهم بما تشتهي نفسك وهذا حق من حقوقك
وأنت أحد أبنائهم والشاعر دائماً يقولون عنه بأنه لسان ربعه
دعواتي بأن تكون بداية خير لك وموفق بإذن الله فقط أحرص على
حضورك الدائم في كافة المناسبات ..
أتمنى من القدير الملغمق .. إيصال سلامي للشاعر تركي
وحثه على التواجد بساحة الشعر بمنتدانا الموقر ..
دمتم ..

صح الله لسانكـ تركي وعلا شانه على القصيدة الرائعة..

الفارس الملغمق..

الله يعطيكـ العافية على طرحكـ المتميز للقصيدة..

كل الود،،

ماشاء الله تبارك الله..
أتمنى لك التوفيق ياتركي والله يعطيك العافيه عالقصيده..
وهذا يزيد العاسره فخراًبك فأنت شاعرهم في المستقبل القريب..
أتمنى لك التوفيق..,,,,,,,,,,,,

وهو كذلك يتمنى لك التوفيق .. وأنا أيضاً ؟؟
والفخر لنا بتواجدك هنا ..
تحياتي ..