|
ليش عيالنا كذا فهموني ؟!!
السلام عليكم ورحمة الله وبركاته صباح ومساء الخير على الجميع موضوعي اليوم كثيراً مايجول في مخيلتي وخاصة عندما أقابل أحد عيالنا الصغار وهو جايني مسرع ورامي له زنوبة وانتو بكرامه ارتسمت بصمتها في جبهتي ماعلينا .. صحيح هم ليش كذا ؟ ولا بعدين يجي يقول امذح<< يمزح ياحليله .. أولاً لايعرفون يطابقون كلمتين على بعض ودائماً مايضعون أهلهم في حرج كبير إذا صاروا يتكلمون وتصرفاتهم ترفع الضغط ومزحهم لحاله يعني لو تجي وتحط عيالك وعيال أخوك مع بعض فقط ياعزيزي ماعليك سوا تركهم لحالهم خمس دقائق بدون رقيب وراح تشوف النتائج واحد يجيك يبكي ويقول فلان ضربني يجي هذاك يبرر والله ياعمو امزح معاه !! طيب ليييييييييييييييش ... إلا صحيح هم ليش كذا ؟ أنا مثلاً أجي أقول لأبو الطفل أو أمه ياأخي الولد خرب الشي الفلاني أو كسر الحاجه الفلانيه مايصير كذا ايش يصير بعدين أنا أقولكم هي أحد أمرين وفي كلا الأمرين راح يرجع الطفل لنفس الغلط اللي ارتكبه : 1- يناديه أبوه أو أمه قدامي ويقول عيب يابابا لا عاد تكسر شي هذا حق الناس ألعب بس لاتكسر شاطر حبيبي !!!! 2- يناديه كمان بس وهو جاي الولد قبل مايتكلم أبوه يتكلم عقال أبوه راسم أحلى العبارات على ظهر الولد ويقوله يلا انقلع والله لو بعد شفتك تخرب شي أني اذبحك فاااهم !!! ويرجع الولد بعد مامر يمكن وقت بسيط على مكالمة أبوه له ويكسر حاجة قدام أبوه وينحاش عند أمه !!!! طيب لييييييييييش ... إلا صحيح هم ليش كذا ؟ سأعطيكم رأيي ولا تبخلوا علي بأرآئكم: - إذا كانت تربية الولد عشوائية أكيد بيطلع كذا يعني كيف يعني الأب يربي بطريقة والأم بطريقة أخرى هذا يدلع وهذي تعطيه بالجزمه وانتوا بكرامه أو العكس . - إذا كل شيء يقوله الطفل يبي يعرف عنه تجيه الإجابه سريعه وخاطفه ( ولد انطم ) الأب والأم يجتمعون على صد سيل التساؤلات الكبيره من أطفالهم وهم في سن يريدون أن يعرفوا كل شي حولهم. - إذا الطفل ينضرب على أشياء مايدري وش السبب اللي يخلي أهله يضربونه عليها . - وإذا أنت ربيت صح وأمورك كلها تمام وولدك ماشاء الله وش زينه فصيح ويتكلم عند اللزوم وشاطر ومؤدب وكل شي يسرك وفي الحلقة الأخيرة تروح في تجمع للأهل والأصدقاء والأقارب ويخالط ولدك اللي ماتربوا صح ويطلع كل اللي سويته هدرررررررررر . هذي في رأيي بعض الأسباب وأتمنى أني أرى منكم مايفيد ... تدرون والله صارت مسألة الزواج تخوفني عشان لايجيني عيال أتعب وأربي في الأخير قدام الناس يجيني ويقول ( يابابا كل تبن ). تحياتي (أسيـــ الظلام ـــر) |
أسير الظلام في رأي الشخصي ,,أن الزوجين يجب عليهم أخذ دورات في التربيه السليمه والنموذجيه قبل التفكير في الإنجاب ’’ يعني مايكون الاب يلعن ويسب ويكذب وفي الآخر يقول مدري ليش ولدي غير مؤدب ,,أو عيال الناس أثروا في أخلاق ولدي ,, لأنه إذا فقد الطفل القدوة الحسنه في أسرته واالمتمثله في والديه ,فلا تنتظر منه إلا مثل ماقلت في مقالك وأكثر من ذلك.... الله يرزقنا وإياك الذرية الصالحة |
يابابا كل تبن ..
ههههههههههههههههه اعجبني طرحك لاعدمناك |
أسيـــ الظلام ـــر
حياك الله من جديد وبصراحة فقدتك ويشهد الله اني سررت بتواجدك وعودتك .. وطرحك راقي ومميز .. ومن ناحية هم ليش كذا ... ففعلا هم ليش كذا ؟ سؤال يطرح نفسه .. لكن وجهة نظري في هذا الموضوع بأن التربية لها دور كبير واضف الى ذلك البيئة التي يعيشون فيها .. عندك مثلا الأولاد الذين يعيشون في المدينة يختلفون عن الأولاد الذين يعيشون في القرى والبادية .. من ناحية الاخلاق والادب والتعامل .. هذا ما احببت ان اشارك به .. ولك تحيتي إحترامي |
اسير الظلام بارك الله فيك وفى طرحك الرئع
نصيحه تزوج وتوكل على الله وعسى ربى ينفع بك وبذريتك أمارأيئ فى عيالنا فترى كل إناء بما فيه ينضح يعنى مايربى عليه الاباء يظهر على الابناء والابناء المتربين على العادات السليمه فى بيوتهم يظهر عليهم الاثر أمام الملاء اما إذاكان الابناء مربين أنفسهم بأنفسهم فى بيوتهم فكيف تبغاهم يعبرون كلام اهاليهم امام الناس الرسول صلى الله عليه وسلم عندما راى الغلام ويده تطيش فى الصحفه لم ينهره ولم يظربه ولم يطرده وهو ليس ابنه .......... بل اجلسه فى حظنه لكى يكون لديه الاستعداد لاستقبال التوجيهات الكريمه ثم اوصاه بمااوصاه اما مجتمعنا فاما لين بإهمال وعدم مبالاة أوشدة تودى الى العصيان وماعليه فى أحد .......... تقبل مرورى ووجهة نظري ولك كل التقدير |
أسير الظلام ..
شوف طال عمرك ترى المسألة مسألة ثقافة وبمعنى أصح أنها شيئ جُبلنا عليه وأنتهى الموضوع .. بكره هالأولاد يتعاملوا مع أولادهم بنفس ماكان يحدث لهم من آبائهم .. المشكلة وقت أن ينظر أناس من أهل المجتمع لأولاد أسرة آخرين وهم من الأولاد الذين حققوا النسبة المعاكسة في نوعية وثقافة التربية اقول إذا رأوهم قالوا ( شف الضعوف ) أو ( الخُدع ) أو قل ما شئت ... ليش لأنهم من البيت على المسجد ولا كلام زائد ولا نشاط مصاحب وبالتالي يسير البقية من الآباء على ديدن الأكثرية بالعمل على ترك الحبل على الغارب لأولادهم خشية أن يكونوا ( خُدعاً ) في نظر الآخرين .. ووقتها يستمر سؤالك ؟ أتذكر زميل مصري كان يعمل مدرس معنا وزوجته تعيّنت بشكل مفاجئ بمدرسة بعيدة عن البيت المهم بيوم من الأيام يتصل بالبيت ويقول ( يا بطه بصي على المطبخ وتلاقي الفطور موجود ) فقلت وش السالفة توصي أحد على الفطور قال الاولاد بالبيت لوحدهم وبلغتهم بمكان الافطار ( 3سنوات ـ 4 سنوات ) بصراحة اندهشت حرام لو من أولادنا يمكن أرجع ما اعرف البيت .. المهم وتبغى الصراحة راح يستمر سؤالك إلى ما شاء الله .. خالص تقديري .. |
العلم عند الي عندهم عيال اما انى اقول المجتمع الصالح ينشئ طفل صالح
1-الاب والام صالحان علاء سبيل المثال صل باحبيبي ونروح نتمشى 2-الاب والام خصمان علاء سبيل المثال خذي قشك وروحي لاهلك والله لايسقي اليوم الي وافقت عليك فيه الطفل يخرب علا ابوه ويروح لامه 0 والعكس والعجيب ان الوالدان لايراقبون اولادهم فيروح يتفرج علا التلفزون وشويه يقول انا طرزان 0انا زورو ووالله اني اعرف ورع جاني يقول تعرف( جاكي شان)وانا والله ما اعرفه ويقول ماشفت آخر افلامه وانا اقول ماعلمهم الخساسه والنذاله والخرابيط الى لعب الكوره واكبر مصيبه قولهم (الله يلعن بويه انك كذاب)يلعن بوه ويكذب خويه ويتضاربون وولدكم فقع راس ولدنى وشكاوي وحقوق ومنداه عند المسيد كل يوم واذا كثر الكلام فيازين العزوبيه |
و الله ياهم بلشه ذا البزارين
ترى ما ينفع معهم الا الضرب كش عليهم |
اقتباس:
دمعة حايرة فعلاً كلامك عين العقل بوجود دورات للمتزوجين حديثاً راح ينتج عنه جيل واعي بس وين اللي بيطبق الكلام على أرض الواقع ... أشكرك على مرورك الجميل .. |
اقتباس:
مرحبلي يالسفير ولاعدمناك يالغالي مشكور على تواجدك وودي أنك افدتنا بما عندك فلا تبخل ... تحياتي ... |
اقتباس:
جبرني الوقت حبيب قلبي جعلك ماتفقد غالي وأنا بعد والله اشتقت لكم كثير تسلم لي ... أشكرك على مرورك ووجهة نظرك ولو أني اختلف معك في أن بعض أهل القرى والبادية تربيتهم أصح من أهل المدن ... لك التقدير |
اقتباس:
أهلاً أختي فجر شكراً لمرورك ومشاركتك وفعلاً لو كل واحد منا حاول ولو بشكل بسيط تطبيق أخلاق الرسول الكريم -صلى الله عليه وسلم- في تربية الأطفال ماكان لقيتي الحاصل ألحين .. لك التقدير .. |
اقتباس:
مرحباً أبو ريان مشكور لتواجدك في الموضوع ومشاركتك ووالله أنك صادق نحن شعب إذا شاف واحد ماشي من حاله في شانه قالوا شف الأخدع هههه الحمد لله والشكر بالنسبة للمصري فعاد المصارية الواعيين ماشاء الله تربيتهم فعلاً شي جميل ياليت بس نتعلم منهم لكن عمر ذيل الـ ...... اكمل الفراغ , ماينعدل خخ. تحياتي لك أبوريان |
أبو صاهود مشكور لمرورك الكريم وشرفني تواجدك ...
ومن جد أكثر ماودا عيالنا في خبر كان عدم المراقبة من الأهل ومافي إلا قوة أفلام وتطبيق على أرض الواقع قابلت مره واحد من العيال الصغار وكنت ماشي شوي ويجي في وجهي ويسوي حركات كراتييه بيده قلت ألحين وش عنده ذا مستغرب !!! شويه فك الصوت ( ياااااااااع ضربه السيف القاطع هيييييي يااااااااع ) هيا بالله وش تقول لذا ؟؟ سلمت على يدي وجهه وقفى وقلت الحمد لله أني عزوبي خخ. تحياتي وتقديري لتواجدك ومشاركتك. نواااااااااااارة مشكورة لتواجدك ويأسفني أني أقولك أنك مشروع أم فاشل خخ لاتزعلين بس من بدايتها ضرب الله يستر من تاليها ... لك التقدير |
اسيرووووووووووه
ههههههههههههههه والله ياخي ذا البزران انهم مشكله صدق ينشبون في الحلق ان عطيناهم وجه شطحوا و نطحوا وان ما عطيناهم تمردوا انا اقول تزوج بس لا تجيب عيال هعععععععععععع والا تزوج وجيب واحد نونو بس , عشان تقدر عليه هعععععععع مشكور ع الموضوع الناااايس |
| الساعة الآن 03:49 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir