|
تبي دانة..؟ وانا مثلك ابي رجال..
تبي دانة..؟
وأنا مثلك أبي رجال..يشد حبال... ظهري الي البخت خانه... تبي دانة..؟ شعرها ليل.. وعين كنها الفنجال... وقد أهيف ميال..وأنا مثلك أبي رجال!! قليل اقوال..واذا ينطق..يقطر حكمة لسانه.. أبيه فعال..وأفعاله تتم بليل كتمانه... تبي دانة..؟ وأنا مثلك أبي رجال..ماهو تمثال.. مكون من شنب وعقال.. وثوب يسحب خلافه.. عجز في كيه الغسال..أبي رجال..له مبدأ... له أفكار تلخبطني..وضلعي المنعوج لي مال.. يعرف شلون يضبطني..أبي رجال لا شفته... تذكرت العظيم الله..وذكرت النار والجنة... ابي لي شاعر عذري..له احساس يغرقني... وهم به يأرقني..شعور الشخص في عينه... ماهو شاطئ ولاهو رمال ولا بزنس ولاهو ريال.. ولكنه! هموم أمة... وكيف نفوز بالقمة؟؟وكيف تربي الأجيال... نخلي بنتنا أنثى ونخلق في الولد رجال... تبي دانة..؟ وأنا مثلك أبي رجال..يشد حبال... ظهري الي البخت خانه... كثيرة بدنيتي الأزوال... قليل بينهم رجال... |
رد: تبي دانة..؟ وانا مثلك ابي رجال..
يا لطيف.
..................... |
رد: تبي دانة..؟ وانا مثلك ابي رجال..
عينك سماي أشكرك على هذه الرائعة ,,,, وعندي سؤال ,,,, هل انتي من كتب هذه الرائعة ؟ إن كنتي من كتبها فهنيئا للمنتدى بوجودك فيه . وإن كنتي نقلتيها فهنيئا لك بهذه الذائقة المتناهية في الجمال ,,, شكـــــري وتقــــديـــــري |
رد: تبي دانة..؟ وانا مثلك ابي رجال..
نخلي بنتنا أنثى ونخلق في الولد رجال
طموح وإبداع وروعة وإمتاع .. كلها من شذرات أبياتك .. وأنفاس قصيدتك لكي وافر التقدير |
رد: تبي دانة..؟ وانا مثلك ابي رجال..
روعة بجد ..
لك التقدير .. |
رد: تبي دانة..؟ وانا مثلك ابي رجال..
وأنا مثلك أبي رجال..يشد حبال...
ظهري الي البخت خانه... كثيرة بدنيتي الأزوال... قليل بينهم رجال... عينك سماي كعادتك عندما تحظرين الأقلام ترفع والأبصار تشخص في روائعك الجميلة واختيارتك اللطيفة بصـــدق عاطفتك وجمال روحك ورونق اقلامك فدمتي الى كل خير تحياتــــي |
رد: تبي دانة..؟ وانا مثلك ابي رجال..
اسعدتني ردودكم واثلجت صدري
اخي جبرني الوقت الابيات من منقولي وليست من قووولي دمتم دوووما بخير |
| الساعة الآن 01:09 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir