أكتب قصيـدي وأحفظـه ثـم أعيـده=و المشكلـة لا جيـت يمـك تلعثمـت
ضاعت حروفي و الـورق والقصيـده=وان صرت أقول البيت بحروف تمتمت
مرات أقص الشطر وأحيـان أزيـده=مدري أنـا فـي علـم و لا تحلمـت
لك هيبـة(ن) بيـن الخلايـق فريـده=لا شفت زولك أرتبك وألزم الصمـت
حتـى دمـي يرتـاع داخـل وريـده=هذا بنظره.. كيف أجـل لـو تكلمـت
تليـت لـي قلبـي بنظـرة وحـيـده=وأضيع أنـا بالحيـل ليمـن تبسمـت
في همستـك ألحـان وأجمـل نشيـده=ما أحلى كلامك كان بالحرف همهمت
فيك الدلع والمشـي موضـه جديـده=تمشي وتنثر شوق وأشـواق لملمـت
يـا ريحـة الأزهـار يـا أوركيـده=تفـوح نسمـات العطـر لا تنسمـت
مقدر على وصفـك وصوفـك عديـده=ربع الوصف ..ياكود ياكـود تممـت
غـلاك دون الكـل عالـي رصيـده=قرض المحبه لك من القلـب سلمـت
قربك فرح للقلـب يـا صبـح عيـده=وان غبت عني صوب الأحزان يممت
يازينة أيـام العمـر .. يـا رغيـده=عمري قبل عِرفِك تـرى لـه تندمـت
ضاعـت سنينـي والموانـي بعيـده=مرسى حياتي أنت من بعـد ماهمـت
عشت الألم و أمواج بحر(ن) عنيـده=كم شط قبلـك يـا ظنينـي توهمـت
كـل المشاعـر قبـل شوفـك بليـده=يـا مدرسـه للحـب منهـا تعلمـت
خذ قلبي و فكري وخـذ مـا تريـده=إلا عيوني ! .. خلهـا لـو تكرمـت
ودي أشوفـك قبـل لأصبـح فقيـده=فقيد رمشـك حيـن بالعيـن سلهمـت

مرورك الأروع عزيزي المسكت .. و سلمت على الرد المبهج

لك التقدير

هلا و غلا بـ ( صقر عمري ) شاكرلك ردك الرائع و مفرداتك الأروع و التي لا يسطرها سوى إنسان مرهف الحس و أنيق المشاعر و عذب المفردة ..

لك كامل الود و الاحترام