ياحبيـبـي لايهمـونـك آبــد=الثقه بالنفـس عنـوان النجـاح
رأسك المرفـوع مايرخيـه أحـد=كل من حاول يمـد يديـه طـاح
خل للبسمه علـى ثغـرك وعـد=وإتخذ من هيبتك أقـوى سـلاح
وش يقول الشعر لو قـام وقعـد=أنت فوق الشعر جـده والمـزاح
ياعقوبة شاعرك مهمـا إجتهـد=كان عزف الشعر من نزف الجراح
ياهوى البال أمس واليوم وبعـد=ليت من جابك نصيبه وإستـراح
يانديـم الأنـس ياوجـه السعـد=يانسيم الليل ياشمـس الصبـاح
والله إن عينك تجيب أطلق ولـد=ينطلق من رمشها الموت الذحاح
تامر وتنهـى وتحكـم لـك بلـد=بالعيون السود والسحر المبـاح
طالبك سجل علـى قلبـي سنـد=خله يشعر بالرضـى والأرتيـاح
إعتبرني مـن ضحيـاك الجـدد=وإعتبر دمي على صدرك وشـاح
جيت فالوقت المناسـب ياوعـد=أخرجت كنز البحر هوج الريـاح
لعنبو قلـبٍ عـن أحبابـه رقـد=ماخفق له من هوى خله جنـاح
ياحبيـبـي لايهمـونـك آبــد=الثقه بالنفـس عنـوان النجـاح

المشاركة الأصلية كتبت بواسطة حسن بن عبدالله (المشاركة 548782) شـكــ وبارك الله فيك ـــرا لك ... لك مني أجمل تحية .

المشاركة الأصلية كتبت بواسطة المسكت (المشاركة 548861) يعطيك العافيه ياخالد ورحم الله الشاعر الكبير فصل الرياحي شكراً لك اخوووك

المشاركة الأصلية كتبت بواسطة عاشق ثرى الديره (المشاركة 548876) الله يرحم فيصل برحمته ويغفر ذنبه