قصيده الشاعر:حمد الحارثي

قلبي إلي راحت أشجار وديانه هشيم
مبطي ما عاد صار الندى بغصونها
لا جرى ماها ولا عاد حركها النسيم
المحـل والوقت والقحط غير لــونها
خاطري داروه يالي تدارون اليتيم
وإن بكت عيني من الدمع لا تنهونها
كلما جيت أتعوذ من إبليس الرجيم
شاوعوني والهقاوي ماني من دونها
وكل ما قلت ارجحن الحشا وأصبح سليم
جوني بمطمـة ما تطيــب إطعونهــا
وكل ما مسكـت بالقـلب خـط مستقـيـم
عرضونـي متلفـات تحـن إضعونـها
************************************************** ************************

مجاراة الشاعر :مرعي العمري

أه تحسبني سليم وأنا ماني سليــم
والكبد مقدر أقاوم واجايــع كونهــا
الجسم نحلان والعقل والقلب السقيم
والعيون تشكي على الله فرقى نونها
لا بغيت اشكي على أخي سعد ولا سليم
قالو فارق يالله بأحوالنا وإشطونها
انثنيت وطحت في الأرض وانا كنت قيم
من بيرحم حالتي اللي تزيد طعونها
تشوفني مرة أفكر في أحوالي وأهيم
والعرب ما ترحم صاحي الناس من مجنونها
ليتني في عطفة الضور لا هب النسيم
يمكن أرحم عشرة الداب وإلا ذيبها
يالله يالي تحصي الخلق وتهب النسيم
فنت ذا يعلم قلوب البشر وأحوالها