منتديات بني عمرو

منتديات بني عمرو (https://forum.baniamro.co/index.php)
-   قسم الأسرة والمجتمع (https://forum.baniamro.co/forumdisplay.php?f=90)
-   -   كيف ترفعين ضغط زوجك (https://forum.baniamro.co/showthread.php?t=49960)

صقر عمري 06-07-2009 03:08 PM

كيف ترفعين ضغط زوجك
 
للي حابة ترفع ضغط زوجها ,,,,,, :110103_mad_prv: تحذير ( أنا غير مسؤل عن النتائج )

إذا اتصل فيكِ ردي عليه و قولي له هالكلمتين ( ألو ... دقيقة دقيقة بس معي صاحبتي تدق علي خلك معاي على الخط ) و عطيه تعليق ونقعية و خليه يسمع صوت نغمة التعليق الين ينطق قهر و يسكر


* إذا طلبتي منه طلب أو قلتي له سالفة و ما استوعب طلبك أو ما استوعب سالفتك قولي له ( إنت وش فيك ما تفهم ... انت ما تفهم ؟ لازم اجيب لك مدرّس يشرح لك ؟ اصلاً حتى لو اجيب لك مدرّس ما ينفع التدريس مع اللي ما يفهمون )


* اذا شفتيه مبسوط و هذا أحلى وقت قولي له ( و انت فرحان بوجهك كذا توزع ابتسامات مبسوط على خيبتك بدال ما تروح تجيب لي هدية ولا حاجة تنفعنا ؟ أصلاً هذا انتوا يالرجال بس أكل و ضحك و نوم ما منكم فايدة لكن الشرهة علينا البنات معطينكم وجه )


* اذا كان عصبي و تنرفز من شيء قدامك تعالي و افطسي عليه ضحك بكل ما أوتيتي من قوة حتى لو تنسدحين من الضحك عادي ,,


* اذا كان راعي طلعات و لعب بلوت و بلاي ستيشن خليه يطلع يسهر و في وسط السهرة اتصلي على جواله و قولي له و انتي تصرخين ( تعال بسررررعة ,,, الحق ) ... خليه يخاف و يجيك ماشي 260كلم / الساعة و اذا وصل عندك افتحي الباب ,, و انتي بكل برود قولي هلا و غلا بس طفشانه شوي وحبيتك تجلس معاي ,,


* اذا كان متضايق و حسيتي عليه الضيقة قولي له ( وش فيك يا بعدهم عسى خير اليوم مو على بعضك عاد هو طبعاً يمكن يكب عشاه و يبدأ يفضفض بعد ما يبدأ و يفضفض قولي له بس بس خلاص أسكت ناقصتك انا )
و قولي له ( بعد انت انسان تطّفش و تجيب الهم و اصلاً ما شفت منك غير الهم هذا اللي ماخذته منك )


* إذا قمتي الصباح حاولي إنك تزعجينه بأي طريقة ممكنة اذا كان عندك مكنسة كهربائية لا تقصرين في النظافة ,, وخاصة يوم إجازته


* إذا صرخ و قال ( طفي المكنسة ) صرخي و قولي ( ما أسمعك وش تقول أرفع صوتك )


* إذا قام يغسل و شفتيه يحلق إقطعي الموية


* إذا طلب الفطور قولي ( أوووه نسينا نجيب خبز !!! )


* إذا جاء يلبس و ما لقى ثوب نظيف قولي له الغسالة خربانة من أمس



وصدقني بهذي الطريقة أضمنك لك أن زوجك ,, بيمشي وحبوب الضغط في جيبه ,,


كنت بأنسى شي مهم ,, حاولي تشيكين على جيوبه كل ما خلع الثوب ,, ولا حصلتي حبوب الضغط بكل بساطه ارميها مع الشباك ,,

شايفين أشلون أنا طيب وأبي لكم الخير :brows: .......( لا تصدقون )

فارس بني عمرو 06-07-2009 06:40 PM

رد: كيف ترفعين ضغط زوجك !!
 
ومن المغفل الي بيتحمل هذا كله !! :qlbe19:

للصبر حدود يا صقر

تقديري لك

زهرة الجوري 06-07-2009 08:15 PM

رد: كيف ترفعين ضغط زوجك !!
 
صقر عمري


بارك الله فيك الله يعينه على ذالبلشه

والله ان يطفح الصبر وينطق نصين

اذا كان عصبي و تنرفز من شيء قدامك تعالي و افطسي عليه ضحك بكل ما أوتيتي من قوة حتى لو تنسدحين من الضحك عادي ,,


عزالله اما هاذي الابيعطيها طراقين على مستوى

ترى البيت بيخرب اذا اخذتم بالنصيحه ياصبايا فوق روسكم


والله طيب مررررررررره علينا

صقر عمري 06-07-2009 09:01 PM

رد: كيف ترفعين ضغط زوجك !!
 
اقتباس:

المشاركة الأصلية كتبت بواسطة فارس بني عمرو (المشاركة 542378)
ومن المغفل الي بيتحمل هذا كله !! :qlbe19:

للصبر حدود يا صقر

تقديري لك

فارس شاكر مرورك ,, غير يا ريال أخف أنك ذليت :)

صقر عمري 06-07-2009 09:09 PM

رد: كيف ترفعين ضغط زوجك !!
 
اذا كان عصبي و تنرفز من شيء قدامك تعالي و افطسي عليه ضحك بكل ما أوتيتي من قوة حتى لو تنسدحين من الضحك عادي ,,


عزالله اما هاذي الابيعطيها طراقين على مستوى

ترى البيت بيخرب اذا اخذتم بالنصيحه ياصبايا فوق روسكم

والله طيب مررررررررره علينا



مشكورة زهرة ,,
لا أحد يصدق زهرة وجربوا بأنفسكم >>>>> ( ناوي يورطهم ) :brows:

نبـع الغـــلا 06-07-2009 10:57 PM

رد: كيف ترفعين ضغط زوجك !!
 


صقر عمري : الله يعطيك العافية طال عمرك

أشكرك على هذا الطرح الرائع بروعتك


ولي عندك إقتراح فيما يتعلق بالعنوان لماذا لا تغيره إلى :

من تغرب في الضرب المُبرح فلتتفضل

أو

من تبحث عن الإنفصال الدائم فلتنفذ

أو

من تريد أن يتزوج زوجها عليها فلتجرب

أو

من تريد العودة لأهلها وزاد إشتيقاها لهم فلتطبق

أو

اللي تبي تنقلب حياتها رأس على عقب فلتصدق

أو

أو


ودمتم جميعاً بخير وفي إستقرار وسعادة

صقر عمري 06-07-2009 11:03 PM

رد: كيف ترفعين ضغط زوجك !!
 
نبع الغلا ,,
كل عناوينك روعة بروعتك ,,
بس أنا أبي أورطهم ,, :biggrin: ( لا تعلمهم يا شيخ فتخرب خطتي )

اسماعيل الكويتي 06-07-2009 11:29 PM

رد: كيف ترفعين ضغط زوجك !!
 
صقر عمري ,,,

بيض الله وجهك ,,,,

بس مثل هذه السواليف ,,, الحمد لله ما عشناها الى الان ,,,,,

على فكره تراك خوفتنا ,,,,, من الزواج ,,, ة_ة

الله يستر

فارس بني عمرو 06-08-2009 02:47 AM

رد: كيف ترفعين ضغط زوجك !!
 
اقتباس:

المشاركة الأصلية كتبت بواسطة صقر عمري (المشاركة 542403)


فارس شاكر مرورك ,, غير يا ريال أخف أنك ذليت :)

يا ولد من جدك انك بتصبر على مثل هذي الحركات

اعطيتك رأي وانت ما سمعتنا رأيك الى الحين !!

صقر عمري 06-08-2009 06:27 AM

رد: كيف ترفعين ضغط زوجك !!
 
اقتباس:

المشاركة الأصلية كتبت بواسطة اسماعيل الكويتي (المشاركة 542466)
صقر عمري ,,,

بيض الله وجهك ,,,,

بس مثل هذه السواليف ,,, الحمد لله ما عشناها الى الان ,,,,,

على فكره تراك خوفتنا ,,,,, من الزواج ,,, ة_ة

الله يستر

البياض ما يتعدى وجهك طال عمرك ,,
غير وأنا أخوك من بغى الدح ما قال أح ,,, :wink2:

صقر عمري 06-08-2009 06:34 AM

رد: كيف ترفعين ضغط زوجك !!
 
اقتباس:

المشاركة الأصلية كتبت بواسطة فارس بني عمرو (المشاركة 542500)
يا ولد من جدك انك بتصبر على مثل هذي الحركات

اعطيتك رأي وانت ما سمعتنا رأيك الى الحين !!

:bigsmile: الله يسعدك يافارس ( الواحد لازم يصير دلخراضي :؟ ,, عفواً قصدي دمقراطي عشان يعيش ,, ) ههههههه >>> ما جرب العرس

عاشق ثرى الديره 06-08-2009 12:13 PM

رد: كيف ترفعين ضغط زوجك !!
 
والله فلا اني اكسر ريلها واوديها بيت بوها تضلع

هيا اصه لاعاد اسمع الروايا تيه

صقر عمري 06-08-2009 06:06 PM

رد: كيف ترفعين ضغط زوجك !!
 
عاشق ,,
أحلى يا عصبي ,, بس ماأمرنا ديننا بتكسير رجول بنات الناس ,, ( إمساك بمعروف أو تسريح بإحسان )

دلوعة الورد 06-09-2009 05:04 PM

رد: كيف ترفعين ضغط زوجك !!
 
ههههههههههه يعني طلعو الحريم هم اللي مهبلين فيكم
* إذا طلب الفطور قولي ( أوووه نسينا نجيب خبز !!! )
زين سوت له فطور مقالت رح لاقرب بوفيه ههههههه
يعطيك العافيه اخوي ودمت بخير تقبل مروري وردي

صقر عمري 06-09-2009 06:24 PM

رد: كيف ترفعين ضغط زوجك !!
 

شايفه أشلون الرجال مساكين يا حرااام ,, :cry_1:


دلوعة الورد ,, شكراً لمرورك الكريم وتعليقك الرائع ودمتي بخير


الساعة الآن 11:23 PM

Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By Almuhajir