:: يا هيه :: للشاعر سعيد بن ذياب
 

:: ياهيه ::

للإستماع للقصيده بصوت الشاعر سعيد بن ذياب

http://www.kuwait80.com/voices-action-show-id-5247.htm

القصيده مفرغه :

يا هيه يا هيه يا كسابة العز والطيب ... جودو عليه بصحبتكم واسلم حسابي
ياللي حلاياكم الطيبه ورسم المواجيب ... ومواقف ساميه عالشك والارتيابي
لاتحرموني مخوتكم لروس المراقيب ... فإن الوفا والفضايل مزودي وازهابي
انا على الله توكلت وحسبت المحاسيب ... ابني ولا اهدم ولا احمل همومي صحابي
اعشق سمو النفوس وعايف سكت العيب ... واموت واحيا على صحبة رفيع الجنابي
احب راع الوفا لو هو من اقصى الاجانيب ... واكره عميل الردى لو كان خويه ابن آبي
اشرب بكاس الوفا واعيش وسط اللواهيب ... واذا احتواني زمان الشوم شرعت بابي
اما رقى الرجل للعليا كما الصقر والذيب ... وإلا تريح معمى فوق زلة --------------
اما تحدى العسفات السنين المحاديب ... وإلا انحنى صاغراً حتى يسف الترابي
اما شرب وارتوى من صافيات المشاريب ... وإلا يطم الهماج وتعس حظه وخابي
اما تقلد وشاح المكرمات المداهيب ... وإلا اكتسى من جناح الذل درع وكابي
ما ينفع الغبن إلى راحت عليك المطاليب ... ولا يفيدك يا ليت وليت ترجع شبابي
امس انتهى وانقضى واخذت منه التجاريب ... واليوم تجري بنا احداثه عزيز وهابي
والغد على الله في -------- السر والغيب ... يا خير يا شر يا علام سر الغيابي
فاغنم زمانك وغامر في وصول المواريب ... واضرب على هامة الخذلان بالاحتسابي
ترى عشيق المعالي ما مشى بالسراديب ... واللي شرا العز ما يحتاج اكمال المرابي
يا هيه ياهيه يا هيه يا كسابة العز والطيب ... بالله بالله لاتنسون من بن ذيابي

المعذره إن كان فيه اخطاء املائيه لإني كتبت القصيده من خلال هذا المقطع الصوتي
ومن لاحظ اي خطأ يصححه .

رد: :: يا هيه :: للشاعر سعيد بن ذياب
 

ونعم بسعيد بن ذياب مليون
كفو ويستاهل الطيب
وودي لو رجالات بني عمرو يسعون في تكريمه لانه يستاهل
رافع روسنا قدام القبايل
واكيد فيه واحد بيقول ماهوب دكتور ولا ضابط ولا مدرس ولا وزير
وانا اقول يسلم الي رفع راس بني عمرو فأي مجال
ومجال الشعر من المجالات الي تتفاخر بها القبايل وسعيد بن ذياب سد عنا وحنا نيام

رد: :: يا هيه :: للشاعر سعيد بن ذياب
 

كفوووو ولاهنت يا ذيبان ..


وصح لسان بن ذياب شاعر الجنوب الأول ..

رد: :: يا هيه :: للشاعر سعيد بن ذياب
 

شكوور والله لايهينك يا ابوذياب وافي ومن قبايل فخمه

رد: :: يا هيه :: للشاعر سعيد بن ذياب
 

والله ونعم في بو ذياب حفيد دليم واحمد ابن بخيخ

طرح راائع..
لاهنت لاهنت

كم تمنيت أن اسمع هذه القصيدة ولكن للاسف رابط الحفظ في الموقع عطلان
ياليت اذا كانت القصيدة عندك في الجهاز ترسلها لي على الخاص او تحملها وتطرح الرابط هنا ...

كفووووو والله عمي سعيد