منتدااي العزيز
هذه اخر مشاركة لي
ابيات شعريه متنوعه
اهديها الى اناس ليسوا هنا
ولم و لن اجدهم هنا في يوم من الايام
اناس احببتهم و لا زلت احبهم بل محبتهم كل يوم في ازدياد
اناس ملكوا قلبي و كل شيء فيني
اناس هم اطهر من الطهر ذاته
و اشرف من الشرف نفسه
اسال الله العظيم ان يحميهم و لا يعرضهم لمكروه
وان يجعلهم قرة عين لي و لوالديهم و لمن يحبونهم
وان يحقق امانيهم و ان يعطيهم الى ان يرضيهم
و ان يجعل لهم في كل مكان رزقا ومع كل خطوة خيرا
وان يبارك لهم ويبارك فيهم
فانا ساخرج من هذا المنتدى لاجلهم
لكي لا يقولوا باني خائن فانا احبهم
ساخرج من هنا لرضاهم و سانشغل ب هواهم
وهذه الابيات اهداء لهم

1
ابشر بقلب مايبي غير طرياك
و ابشر بعين ما تبي غير شوفك
و ابشر بحب لو قسى الوقت ...يرعاك
وابشر بروح من غلاها تحوفك
ابشر و كل اللي تبي يالغلا جاك
امر عسى درب المنايا يعوفك
ياصاحبي ياشين وقتي بلياك
لا صار ما ينطق لساني حروفك
ان غبت عني يذبح القلب فرقاك
وان جيت يمي عانقتني طيووفك
لاجلك ازعل باقي الناس لرضاك
وان مت تكفى يدفنوني بجوفك
قد قلت لك ياصاحبي مقدر انساك
حالف على روحي ابد ماتعوفك

2
انا ماكنت ابي اكثر من اللي فيك لاقيته
حنان و رقه وطيبه وقلب ياكبر بيته
تسكني وسط صدرك وبيدك جرحي داويته
كفايه بسمتك تنسيني اللي عانيته
كفايه طلتك تملى حياتي ياللي حبيته
بيبقى حبي لك وحدك و غيرك رحت و خليته
انا مابي سواك انت و بعدك بابي رديته
رفضت الكل على شانك وقلبي اليوم وصيته
يظل يوفي لك ويوفي يااغلى انسان عزيته
تصدق؟؟
انا ماكنت ابي اكثر من اللي فيك لاقيته

3
ممكن اسال ليه احبك؟؟
ليه قلبي راحته في حضن قلبك؟؟
ليه ايامي بلا وجودك تمووت؟؟
وليه احلامي بلا نورك تمووت؟؟
وليه من دونك يغطيني الحزن؟؟
و يسجن شعوري السكوون؟؟
ليه اضيع ان كنت غايب؟؟
ليه اشوفك كل اهلي ..كل ناسي ..والحبايب؟؟
ليه اشوف الدنيا ورديه معاك؟؟
ليه احب اني اكون نجمه تضوي في سماك؟؟
ليه اشوف الوقت ورده ذابله لو غبت يووم؟؟
ليه احسك جنتي و الهنا بقربك يدووم؟؟
ليه اشوف الناس من بعدك سرااب؟؟
وليه اشوف الحب من بعدك سرااب؟؟
ليه يحييني حضورك ويقتل ايامي الغيااب؟؟
ممكن اعرف ليه احسك (بعد كلي )؟؟
شمسي انت .. وانت ظلي ؟؟
ممكن اسال ممكن اعرف؟؟
ليه احبك و بكل حالاتك ابيك؟؟
بهدوءك وانفعالك؟؟
وبجنونك مهتويك؟؟
ايـــــــــه احبك
بغروري وبشموخي
وبعنادي اللي طوعته بيديك
و بكثر جورك و بحنانك
و دافي احساسك وامانك
لا نثرته من اجيك
ايــــــــــــــــه احبك
و افقدك لما تغيب

4
انا اهديك اغلا اللي ما هداه انسان لاي انسان
انا اهديك القصيد اللي عن احزاني يسليني
انا اهديك الشعور اللي يعيش بداخل الوجدان
وانا اهديك الوفا واغلى الوفا لوما تراعيني
اغليك غلا لا يمكن انه يعيش بعالم النسيان
واحطك في خفا قلبي واشيلك في نظر عيني
وسلااااااااامتكم


اهدااااااااااااااااااااااااااااااااااااااااء %%%%%

نواااارة يعطيك العافية بصراحة زعلتيني منك.. لكن كلن لة ظروفة ...
انا حبيت اقلك الاربع الابيات وهية من مزج خيالي وتعبيري الي اساسة الجرح ..

ياما قلوب قست علــى محبوبهـــا .... وياما جروح بجروح نداويها
ايام كانت على قلبي ذكرى تجاريها ... فيها مشاعر مــرغم لذكــراها
ابشتكي عن جروحي وخلي سببها ... ااه على جــروح لها ماضــيها
صغير على درب المحبة وناويهـا ... قريت الحزن وحبيـبي يلحنهــا


السموحة على القصور