منتديات بني عمرو - سلة اوجاعي ..

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - سلة اوجاعي .. (https://forum.baniamro.co/showthread.php?t=47879)

سلة اوجاعي ..

وجع حب وجع خوف وجع شوق وجع ضيقه
على كيفك وهاك اختار، هذي سـلة اوجاعي

غلا، واسمع نزيف الجرح،كلام الصمت مااطيقه
انا محتاج اسولف لك عن اول واخر اوضاعي

وابد لا يجرحك صوتي، حياة الــطير تحلـيـقه
عليك الله تــصـير الكون ، والمسباق والداعـــي

انا اصدق طير في الدنيا ، عشق حتى مسابيقه
لكن بديت اذكر مـــــــعك ايام مـــــربــاعي

تعال افتح كــفوفك حلم ، امـــوت بيوم تحـقيـقه
تعال ارسم بحور العشق واكسر لوتبي شراعي

ابغي غيم سرق ربعي، وذلّلـهـمم بتشويقه
اكون اول بشر مجنون تزوره بالعطش قاعي

حتى لو وهم ، تكفى ، ابي أتوهم بـتصـديـقه
ابي ذات ابي مولد يوازي صرخة الناعي

احس بداخلي عالم، حرام اقـــتل مـــخاليقـــه
حرام اسكت وانا صوتي نثرته وجه الاتباعي

يا اول قلب يبكيني ، وتبكيني مواثـــيــقه
انا اطباعي ماهي زينه ، بس هذي اطــــباعــي

تغربي قوافي الموت، اقول العمر تشريقه
اعيش بشبه غيبوبه، واعرف ان الزمن واعـــــي

اكمل لك، وجع خوف وجع شوق وجع ضيقه
على كيفك ترتبني ،، حلالك كـــل اوجــــاعي

للشاعر / سليمان المانع

رد: سلة اوجاعي ..

عينك سمااااي
شكراً لك ولذائقتك الرائعه وإختيار راائع

أجمل التحايا ولاعدمنااك

اخووك

رد: سلة اوجاعي ..

قصيــده ذووق يعطيـــك ألــف عــآفيــه ..

لاهنــتي على النقـــل ..

رد: سلة اوجاعي ..

يعطيك العافية على النقل الاكثر من رائع
وانا احاول اني اجاريك في نقلك واقول ..:

تبدل كل ما حولي بحال العقل له يفقه
لقيتك يعشقك غيري وانا مالي خطا فيها
كتبك الله لي حب عذاب وشوفة سرقه
ونفسي تطلب الراحه معك من هو يمنيها

تقبلووووووو طلتي ..

رد: سلة اوجاعي ..

الله يعطيك العافيه

رد: سلة اوجاعي ..

اقتباس:

المشاركة الأصلية كتبت بواسطة اسماعيل الكويتي (المشاركة 517422)

شكرا لك وكلمات رااائعه

رد: سلة اوجاعي ..

الله الله’’’’

تسلمي ,,,, على الذائقة التي امتعتينا بها هنا ....

إلــــــــــيــــك عــــبــــيــــر أشـــــــــــــواقـــــــــــــي

رد: سلة اوجاعي ..