|
"معاناة العزوبي"
انا العزوبــــي واتقطـــــــع تقطـــــاع
على زواج البنت تدمع عيوني انا العزوبي ويـــن مارحت ملتـــــــاع زين العذارء يالعرب جننوني اشوفهم في كل روحـــه ومرجـــــــاع من حيث ماوليت هم عذبوني فالبيت فالتلفاز والصـــوت مذيـــــــاع حتى العمل ياناس مافارقوني وليا نويت الســـوق ناوي تبضـــــــاع اروح وارجع منخطف حيل لوني ارجــــع وقلبـــي حايسٍ بين الاضلاع من زود دقاته تخلع امتوني اللـــــــــي تغنــــج فالمشـي بالـتـدلاع واللي تناظرني بطرف(ن) فتوني وام العيـــون السود والرمـش قطـاع وام الجدايل والكحل بالجفونـي وام النقاب اللـــــي تمصـع تمصــــاع قدام عيني والبشـر يشهدونـي كنهـا تمتـع فـــــي عذابـي تمتــــــــاع وانا العزوبي كان ربي ف عوني واهل الجنوز الضيقه واهل الاوساع مدري وش اللي حدهم يلبسوني منهـم تجرعـت المـــراره تجـــــــراع في كل يوم يزيد همي وحزوني لو نطلع المريخ في لحظـه وســـــاع نلقى العوايـل قبلنـا يطلعونـي من بعد طرح وجمع وهموم وصـراع قررت انا اخطب بنت وانهي ظنوني وفي ليلة الفرحه تقـول انـي مرتـــاع ومن زود مافينـي تراقـل سنونـي ابوهـا قـال اليـــــوم مانـي بطـمـــــاع عندي شروط(ن) للمهر واعذرونـي يقوم يوحـي لـي ويشــر بالاصبــــــاع يبغي المهـر ميتيـن او يكثرونـي يقول يبغى العرس في قصور واقـلاع ونبغى ذهب لام العروس المزونـي ونبغى الحلا والكيك من كـل الانـواع تـبـون والا ياعـسـا ماتبـونـي نـــاس ٍ تحسب البنت شروه ومبيـــاع تبي المكاسب لو زادت ديوني ماهمهم لـــو زاد همي والاوجـــــــاع ماهمهم ياكود ملي البطونـي يــــامؤمنـن بالله ساجـــــد وركــــــاع بنتك امانه حاذر انك تخونـي لا تعنس ابنيتك فـــي سّبت اشبــــــاع نفسك وجمع افلوس ماينفعوني بكره ليا جتك المنيــــه والاوجـــــــاع تندم ولا ينفعك دمع العيونـي الخيمه اللـي بدون عمدان وشــــراع يمكن تطيرها الهبايب بهوني انـــا العزوبــــــي واتسكـع تسكـــــاع تكفون بالله يالعرب زوجوني أخـــــوكم/ فتـــى العاسرة |
رد: "معاناة العزوبي"
عرس عيدك
غير لاتبور فيها . |
رد: "معاناة العزوبي"
فتى العاسرة هههههههههههههههههههه يعطيك العاافيه وموفق ان شاء الله كل الود و الورد http://up.joreyat.org/29Jan2009/536a...94d356ea69.jpg |
رد: "معاناة العزوبي"
والله انك تمض
الله يرزقك ان شاء الله |
رد: "معاناة العزوبي"
الله يعينك يصبي عمرين
الحال من بعضه |
رد: "معاناة العزوبي"
المهر قل والشروط يسيره .. بس وين الصادق مع نفسه قبل أن يكون صادق معهم ... لم يعد هناك مهر 200 الف ولا 100 ألف حتى ولا 50 الف حسب ما استحدث من أمور في سلوم بني عمرو وبني شهر ... كنت اتمنى من مشرف الصفحه أن يضعها في قسم الشعر .. حيث أن فيها نوع من المعاناه عند بعض شرائح المجتمع ... يعطيكم العافيه ... |
رد: "معاناة العزوبي"
صراحه الزواج سهل
ولاسارت التكلفه عاليه لكن وين الي جاهز لتحمل المسووليه الله يوفق الجميع |
رد: "معاناة العزوبي"
اقول الله يرحمنا برحمته خل الزواج سهل
عليك بالصوم يافتى السهوه وربك يسهل ان شاء الله اقعدوا في العافيه |
رد: "معاناة العزوبي"
اقتباس:
اين العوائق ودعنا نتناقش :qlbe3: |
رد: "معاناة العزوبي"
وينهو الكفو ويبشر بمن يزوجه
عادوا نص الشباب ضايعين ولا منتفين ولك الاختيار ههههههههه |
رد: "معاناة العزوبي"
اقتباس:
كل يشوف الناس بعين طبعه :qlbe3: |
رد: "معاناة العزوبي"
{} ثلاث :
اما لوله فعليك بالصوم يا صبي العاسره فإنه لك جًُنة او كما قال صلى الله عليه وسلم . اما الثانية فمذا سنعك يالسفير يوم تدافع عن تكاليف الزواج و عن احوال الشباب . اما الثالثه فاقول يا اولياء الامور يسرو الزواج للشباب . يقول الرسول صلى الله عليه وسلم ( اذا اتاكم من ترضون دينة وخلقه فزوجوه إلا تفعلوه تكن فتنة في الارض وفساد كبير او كما قال صلى الله عليه وسلم).انا الان احكي لكم واقعي لا احدثكم عن احد الاقارب او احد الاصدقاء انا انشاء الله مقبل على الزواج في الصيف القادم حيث ظهر لي من التكاليف مالا كنت اتوقعه وهي كتالي : 1- مهر 48000 2- تاثيث شقه 25000 3- مقدم للشقه 10000 4- وليمة العشاء 15000 5- شهر عسل بحوالي 20000 6- سياره متواضعه 30000 وما خفي اعظم. من فين يجيب الشاب 148000 الف عرفتو الان ليش الشباب انحرفو ليش اتجهو لقضاء الاجازات في الخارج . للاسف صار الحرام بـ 100 ريال و الحلال 148000 ريال . اخيراً اقول يسرو ولا تعسرو زوجو الشباب اقضو على العنوسه . ملاحظة : مستعد للنقاش لمن يرى خلاف ما اقول . صبي العاسره تقبل مروري |
رد: "معاناة العزوبي"
الاعسري
ربنا يوفقك ان شاء الله شد حيلك بس بنات الحلال واجد تحيتي لك |
رد: "معاناة العزوبي"
فتى الاعاسره صـــــح لســــلنكـ ..
شـكــ وبارك الله فيك ـــرا لك ... لك مني أجمل تحية .. ابو عزيز الله يعطيك العافيه وازيدك من الشعر بيت .. الحريم مايبغون زي عشاء الرجال مفطحات .. مايبغون الا بوفيه مفتوح اقل بوفيه بـ 10000 ريال .. والطقاقات بمبلغ وقدره .. والكوفيرات و .. و... .. الخ .. اشكر صاحب الموضوع جزيل الشكر >> على وشك خطبه .. كل الود ,,, |
رد: "معاناة العزوبي"
اقتباس:
لا لا لا لا وش ذا ياشيخ المهر سته الاف والذه عشرة والشنطه اربع الاف وثلاثين الف مصاريف وقضينا والزواج والملكه على ابو العروس والعريس يعشي بعد مايرجع وقضينا مايبيلها والي ناوي الحلال ربي بيسر اموره اقتباس:
كل الود |
| الساعة الآن 12:29 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir