|
((( سوق الأسهم يالشلي صفر رصيدي )))
للتواااااااااااااااصل يالنشاما في هذا الصرح الشامخ هذه قصيدة وصلتني من الشاعر / صالح بن مبارك النهدي
يا مبارك جهز البكـس الجديـدي=وارد اليابـان تصميـم الوكـالـه ونش فتحه يعجبك شكلـه فريـدي=بويته كنها الذهب في وصط صاله طوروه الشغل زر بلمـس ليـدي=والشبح والشاص كنهم من عيالـه إذكر الله لشتغـل يرعـد رعيـدي=يعجبك شكله ويعجبـك اشتغالـه يقطع المشـوار لديـار ٍ بعيـدي=يصل المشتاق ذي مبعـد حلالـه شـل مكتوبـي وبلغـه الحميـدي=قل أنا مرسول خذ منـي رسالـه با يرحبـك علـى منتـه تريـدي=يكرم الضيفان من غالـي حلالـه المراجـل لسبيعـي شـي أكيـدي=وارثنها من أبـوه ومـن خوالـه سوق الأسهم يالشلي صفر رصيدي=من دخل فالسوق واعـزي لحالـه والإبل راحت على البدو الشديـدي=موتت من بعد معطوهـا النخالـه بس أبو متعب عسى عمره مديدي=عوض أهل البل وكل ٍ قـد دعالـه ختمها مصفاه فاحـت بالعويـدي=بمجلس ٍ فيه النشا ما قـال قالـه وهذا ردي على الشاعر / صالح بن مبارك المردعي النهدي
مرحبا بموجـه البكـس الجديـدي=من شروره لا شـروره بالرسالـه كلها كيلو في كيلـو مـا تزيـدي=من جنوب أقصا البلد حتى شمالـه وكلنا مقيمين يـا لقـرم السديـدي=في شروره مـا طلبنـا الاستقالـه وأنت خابر قبل توجيـه القصيـدي=عند أبـو هـذال تربطنـا زمالـه والرياضـة طيّبـه دائـم تفيـدي=دامها متريـن والدعـوى سهالـه ريّح الفكسار فـي ظـل الجريـدي=وريّح مبارك عسـاه يطيـب فالـه والله أيحييـك لـو مابـه نشيـدي=الكفـو نفـرح ليـا شفنـا قبالـه لا نصا ني مثلكم هـا ذاك عيـدي=أتشرف وأعتبرهـا أكبـر جمالـه ولا برحبّه على مـا هـو يريـدي=سلمنا سلم الرجال أهـل الشكالـه وكانها فاتت عسا ها مـا تعيـدي=ما دخلني شـك فـي راع الجزالـه أنت وافي ما يجي منـك الزهيـدي=مير أنا أخشى من كلام أهل النذاله ينتقـد نـي واحـدٍ ودّه يصيـدي=كلمةٍ يفـرح بهـا لا ضـاق بالـه ومن بغى يحصل على الدر النضيدي=لازم ٍ يتعب قبـل يطـرح سوالـه يتعب الأفكـار للمعنـى الفريـدي=ويتخيّر لا نـوى الشعـر وبدالـه والمعانـي حدهـا سيـفٍ حديـدي=ما تجامل كل مـن يكتـب مقالـه وأنت تنشدني وأبعطيـك الاكيـدي=جاك مردودي على حسـب الدلالـه سوق الأسهم ذاب ذوبات الجليـدي=وأكثر العالم تسبـب فـي زوالـه ما تحمّل صدمة الوقـت العنيـدي=جعل حالك يالشلي ما هوب حالـه والوكاد إن فيه من هو مستفيـدي=والله أعلم من هو اللي قـد حبالـه واحـدٍ بيحـا سبـه رب العبيـدي=في نهار ٍ مـا يفيـده كثـر مالـه والنخالة جـا لهـا دور ٍ جديـدي=عقب الأسهـم كملوهـا بالنخالـه جددت الأحزان والماضـي يعيـدي=وانتهت بين الصوامـع والعمالـه كل منهـم يتهـم سـاع البريـدي=ولا درينا وش وراء هـاك الثعالـه مير أبو متعب عسى حظه سعيـدي=عوّض اللي ماتت أبلـه واعتزالـه ما قفٍ مـا ينجحـد والله شهيـدي=من تضرر عوّضه وأكـرم إسبالـه ولو بغيت أعـدد أفضالـه تزيـدي=بعد فضل الرب يـا مكثـر فضالـه والله أنه يحفظه مـن كـل كيـدي=ويحفظ أخوانـه موازيـن العدالـه هم ذرانا هم لنا الـدرع الجويـدي=أسرة آل سعود يـا نعـم السلالـه والختام أسلم وفسّـر مـا تريـدي=جاك رد اللي ورث عمـه وخالـه شاعر ٍ يالمردعـي فكـره يجيـدي=كـل طـاروق ٍ يجيـده لا طرالـه |
رد: ((( سوق الأسهم يالشلي صفر رصيدي )))
يــــامراااحب بالشاعـــر الحميدي السبيعي
حيــــاك بين اهلك و اخوانـــك و صــــح لســـانك تحياتـــي لك |
رد: ((( سوق الأسهم يالشلي صفر رصيدي )))
الحميدي السبيعي ابيض وجه ولايهون صاحبك إبداع وجزاله وصلت بالمعنى الى الهدف صح الله لسانك وعلى شانك ولا يهون النهدي شكراً لك ولاعدمنااك اخووك |
رد: ((( سوق الأسهم يالشلي صفر رصيدي )))
اقتباس:
وصح بدنك يالوافي ولاهنت على مرورك العطر |
رد: ((( سوق الأسهم يالشلي صفر رصيدي )))
بيض الله وجهك وصح لسانك
|
رد: ((( سوق الأسهم يالشلي صفر رصيدي )))
الحميدي السبيعي
صح السانك ولاهنت قصيدة جميلة دائما تحتوي القاري بجاذبية المعنى وهذا سر تالقك ابدعت وامتعت تقبل مروري ,,, |
رد: ((( سوق الأسهم يالشلي صفر رصيدي )))
اقتباس:
وصح بدنك ولا هنت على مرورك العطر |
رد: ((( سوق الأسهم يالشلي صفر رصيدي )))
الاخ الحميدي
صح لسانك وجمّل حالك وافي رد على وافي ولا فيكم شك لا عدمناك ولا تحرمنا جديدك اصدق الود |
رد: ((( سوق الأسهم يالشلي صفر رصيدي )))
اقتباس:
وصح بدنك ولاهنت على مرورك العطر |
رد: ((( سوق الأسهم يالشلي صفر رصيدي )))
صح لسانك ونعم الرد ,,,,, يعطيك العافية |
رد: ((( سوق الأسهم يالشلي صفر رصيدي )))
اقتباس:
وشهادتك وساااام أضعه على صدري جعلك تحيا لاهنت على مرورك العطر وتقبل صادق تحياتي وتقديري,,, |
رد: ((( سوق الأسهم يالشلي صفر رصيدي )))
صح لسانك...
|
رد: ((( سوق الأسهم يالشلي صفر رصيدي )))
الحميدي السبيعي بدح ورد ولا أجمل وصح لسانك ولسانه |
اقتباس:
ولاهنت على مرورك العطر |
| الساعة الآن 01:05 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir