سال اليراع مخضبٍ بيـض الاوراق = من مهجة الشاعر و قمـة شعـوره
حاولت انا اكتم لكن الصدر ما طـاق = ولازم هنا شعـري يثبّـت حضـوره
كتبت شعري بين جرحي و الاشـواق = بين الفرح و الهـم نقطـة عبـوره
لارض الكويت اللي لها الحب منساق = جيت وحدث وسط المعاليـق ثـوره
في موقفً ضاقت به وساع الأفـاق = و مما حصل قامت تحجـب سفـوره
يا بو محمد شوف شمسك لها اشراق = وكـلاً لمعرفتـك يبـيـن ســروره
منزلك يالغالي ترا وسـط الاحـداق = وغيرك دفنـا منزلـه فـي قبـوره
انا اشهد انك جامعاٍ طيـب واخـلاق = حتى الكرم سكّنـك باعـلا قصـوره
ذوقك خجل منـه عظيمـات الاذواق = وكـلاٍ يوقـف لـه بلحظـة مـروره
يا بو محمد تسمح بمدحك ارفـاق ؟ = بعض البيوت لشخص تبقى محفوره
يا احمد انا ما صابني هم و ارهـاق = الا من اللي غلطتـه فـي قصـوره
يا حيف ياللـي كنـه العـام بـراق = واليـوم تشهـد لـه فعولـه ثبـوره
يا ليتني من قبل بخصة على فـراق = والا الليالي قبـل فيـه معـذوره ؟!
جو له بني وايـل مـع روق لعنـاق = و عذره لهم لحظات شخصً يـزوره
واثره كذا طبعه من الكـذب لنفـاق = يعني على مـا قيـل كمـل دبـوره
ضيفً على بابه من الصبـح طقـاق = باين عليـه مـن المسافـه نفـوره
غابت خيوط الشمس ما واحدٍ فـاق = واثر المعزب غـارقٍ فـي غـروره
لكن ابرسل له على سطـر الاوراق ؟ = واقـول مـرواح الخريـف ببـذوره