للمواقف رجال .. وللجماله زعامه=وانت يا ( ابو علي ) خيرك علينا مظلي
سيرتك طيبه في الحجز وإلا تهامه=بالوفا والعطا من قلب عابد مصلي
كف يمناك تشبه في عطاها الغمامه=وإن نصتها القلوب اللي عطاشى تهلي
يبتهج خاطرك مثل القمر في تمامه=لا نصتك الضيوف .. ولا خطرك المقلي
تكسي الضيف والخطّار ثوب الكرامه=والشبب والكرم ما هو بكفك تسلي
وارث الطيّبه والمرجله والشهامه=من رجالٍ كرامٍ فعلها سلوةٍ لي
يا عزيز الجناب ويا نديم الفخامه=ينبت الخير في كل ارض فيها تحلي
ما ندم من خذا جودك وطيبك حزامه=ياصل الناهيه عند الشهاب المطلي
من بغى يعرف المجد التليد ورسامه=يبصر المجد باولاد الاصيل ( الصقلي )
كلهم لابسين العز لبس العمامه=لو تزل العوارف غمرهم ما يزلي
من ( بني بكر ) قوم المرجله والفهامه=عزوة ( ابني شهر ) يوم الزحف والتجلي
صيتهم سار مثل الشمس صاير علامه=بين كل العرب نبراسهم في تعلي
وانت يا ( ابو علي ) قسمك من أعلى سنامه=دمغة المجد مختومه بختم ( الصقلي )