صادفتها صدفه في مستوصف القمه=بالعين راعيتهـا لحضـه وترعانـي
شميت أنا عطرها ويابخت من شمـه=يدوخ ويسكر ولو ماهـو بشربانـي
قمـت أتذكـر زمـان فـات والمـه=ولاعـاده الله نصيـب يـوم ودانـي
هلت دموع العيـون ولابقـى غمـه=مما جرالـي نسيـت آلام الأسنانـي
معها أخوها رفع كفـه علـى فمـه=كنـه يقـول الله الستـار ياكـافـي
نفس الملامح ويشبـه دمهـا دمـه=سبحان رب خلقهم دعـج الأعيانـي
يدري بحبـي وتـدري أمـه وعمـه=حال القدر بيننـا والحـب سلطانـي
يبكي ويمسح دموع عيونـه بكمـه=يبكي علي شانها ويبكي علي شانـي
والله يالولا الحيـا والديـن لاضمـه=وشهق معه شهقه من قلب شفقانـي
والحب بلوه ومنـه النفـس مهتمـه=وش حيلتي والغضي دمي وشريانـي
جسمي يروح ويجي والقلب من يمـه=القلـب عنـده يبيـه ولايبـي ثانـي
أقسم بربي وانا لـي مذهـب وذمـه=لعيش حبه ولو حبـه علـي جانـي
شربت كاس الهوى وأروية من سمه=مامت ورإجعت ولاهو اللـي احيانـي
اضحك مع الناس والاحزان منضمـه=كني سعيد وانـا مبلـي بالاحزانـي
عندي وصيه وتالي الهـرج يايمـه=الموت حق على القاصي مع الدانـي
وان صرت فوق النعش والناس ملتمه=مرو على بيتها وتشـوف جثمانـي
قولولهاالموت زم اصويحبـي زمـه=مامات حبه ولو هو بمنـع اجفانـي
شلنـاه للمقبـره ودعيلـه القـمـه=خوذي دواتـه وجوديلـه بالاحزانـي
يالله يلـي مقتـدر ياكاشـف الغمـه=تفرج لم حالتـه دوم فـي نقصانـي