منتديات بني عمرو - ماكل من ربى شنب صار رجال ..!!!

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - ماكل من ربى شنب صار رجال ..!!! (https://forum.baniamro.co/showthread.php?t=43130)

ماكل من ربى شنب صار رجال ..!!!

ماكل من ربى شنب صار رجـال

بعض العرب اشنابها لـي لحاهـا

وبعض العرب فالمرجله تفعل افعال

والبعض الأخر فعلها فـي حكاهـا

وبعض العرب دفع البلا جاله اهبال

حتى دروب اهل الرذيلـه مشاهـا

الله يجنبنـا مصايـب هلأجـيـال

ولا يجيـنـا فالـبـلاوي بـلاهـا

ودي بخوي ٍ خوته تطـرب البـال

اعتزبـه فـي مجلسـي واتبـاهـا

يفزعلي في وقت الشدايد والأهوال

ويقوملـي مثـل الصقـر لانواهـا

قالمرجله والجود والطيـب مامـال

فعله جزيـل ٍ والمراجـل شراهـا

ماني بدوّر صاحب القيـل والقـال

الـي ليامنـي عطيـتـه نسـاهـا

وماني بخاوي رفقة ٍ كلهـا انـذال

افعالهـا زادت عليـهـا رداهــا

والصاحب الي خوته مطلب او مال

خوة خسـاره والخسـاره وراهـا

والي نسى فعل الرجاجيـل ينـزال

ليـن ايتعلـم فالجمايـل عطـاهـا

وياماحلا المجلاس في كل الأحوال

مع رفقة ٍ تسوى الذهب في غلاهـا

جمعت نشامه من بني عم ٍ وخـال

جمعـه وفيّـه مـن بغاهـا لقاهـا

قد قالـهـا الأســبــانــي وطـال

في وصف يرضي كل من هو قراها