غربه بلا عنوان
 

احب ان انقل لكم قصيدة الشاعر المبدع محمد الدحيمي واتمنا ان تعجبكم 00000000 تقبلوا تحياتي00000000000

يعيــــــــن الله يادنياً تسوق ايامها الاحزان = يعين الله وانتي مثل قفل ٍ ضاع مفتاحه
يعين الله وجروحي لها في كل وقت ٍ شان = كذوب اللي يقول ان الزمن بيداوي جــــــــــراحه
سقى الله يوم انا يمه غرير ٍ يزعج الجيران = سقى الله يوم انا طفل ٍ يصج البيت بصيـــــــــاحه
سقى الله يوم كان اقصى طموحي لعبة الدنان = نهاية يومي المغرب واخاف الليــــــــــل واشباحه
سقى الله يوم انا البس بشت ابوي وثوبه القيطان = اقلد كل شي ٍ فيه 00حكيه00جده 00 مزاحه
واشيل المسبحه مثله ليا هوجس وهو سرحان = يشعر واحسب ان اللي عطاه الشعر مسبــــــاحه
سقى الله بيتنا ذاك البسيط مشقق الجـــدران = شجاع ٍ يهزم الغدرى بقنديـــله ومصباحــــــــــــــــه
تكحلنا القناعه 00 لاطمع 00 لاهم 00 لاحرمان = و اذا جا الليل تكفينا ثلاث اخوان طــــــــــــــــــراحه
جميع الذكريات اللي غدت في قفرة النسيان = تحاكي حلوها عبره بموق العين سباحــــــــــــــه
خذتني غربةٍ عنوانها (غــــــربه بلا عنـــــــــــوان) = ابي عقب التعب راحه لقى فيني التعب راحه
قصيده ما بعد مرت ببال مساعد وضيدان = هواجيس بدوي ٍ هايم ٍ في عشق فلاحه
وروح ٍ تايبه كانت تبي لذنوبها غفـــــران = خطاي اني كتمت اسرارها بعيون بواحــــه
تقولين المطر يمه مهو دايم يجي هتان = اجل معذور قلب ٍ في همومه ظاعت افراحه
انا يمه غلطت وماني اول واحد ٍ غلطــــــان = ابونا آدم من الجنه 00 خرج باسباب تفاحه
خذلك الوقت فيني ما خذلتك يا أعز انسان = وش الدبره وحظي صار قفل ٍ ضاع مفتاحه

دائمااااا للإبداااااع والمتعة نصيب في قصائد محمد الدحيمي

شكراً اخوي صعب المنال لجمال ما اخترت لنا

بوركت يمينك يالغالي

لا عدمناك

تقبل تحياااااااتي

السفــــــــوح

حياة يافتي كم زارها دمعه ومعنى احزان= ورب البيت كني لسماء غيمه بالاطياب فواحه
انا لوجارةايامي ابقى لزمن رفيعة شان=مايرتخي راسي ولاالايام تحني الهامه
حياتي مقبله صوبه رغم الصد والهجران=عزيزفاح كل الطيب له ومن شانه
هوغناتي هو حياتي ومعنىكل وجدان=لا قلت احبه اهتز كل ركن البيت وابوابه
======
محاوله للمجاراه والرد على القصيده
تحياتي صعب وننتظر جديدك

صعب المنال /

قصيدة جميلة اشكر لك نقلها ،،

تحياتي

سقى الله يوم انا يمه غرير ٍ يزعج الجيران = سقى الله يوم انا طفل ٍ يصج البيت بصيـــــــــاحه
سقى الله يوم كان اقصى طموحي لعبة الدنان = نهاية يومي المغرب واخاف الليــــــــــل واشباحه
سقى الله يوم انا البس بشت ابوي وثوبه القيطان = اقلد كل شي ٍ فيه 00حكيه00جده 00 مزاحه


كل ذوق صعب المنال
قصيده بمنتهى الروعه
تستاهل النقل والاعجاب
تحياتي

المسكت 0 السفوح 0 ساهر الليل شكرا على مروركم والجاي احلى ان شاء الله



همسة امل : محاولتك على الرد جميله جدا يعطيك العافيه0