(فيك الثقة والعدالة جعل عمرك طويـل)
 

بسم الله الرحمن الرحيم
أسعد الله أوقاتكم بكل خير للتواصل معكم في هذا الصرخ
الشامخ أطرح هذه القصيدة بين أيديكم وقد ألقيتها في
حفل الشيخ محمد بن علي بن زيد الكربي بمحافظة شرورة
وهي قديمه بعض الشئ من أيام الانتخابات البلدية قبل
حوالي ثلاث سنوات لم يسبق لها النشر وغيرها الكثير
من القصايد التي لم يتم الافراج عنها إلى الآن...

سلام يا هل الوفاء والطيب وأهل الجميل=من شاعر ٍ جاته الدعوة وهـو جالهـا
جينا لشيخ ٍ يشيل الحمل لو هـو ثقيـل=مثل الجمـل لثقائـل لا بـرك شالهـا
شيخ ٍ يفك العقـد لـو فكهـا مستحيـل=والمعظلة لا حضر بذن الولـي زالهـا
شيخ ٍ عِرف بالكرم ماهوب نذل ٍ بخيل=فيه الكـرم والمراجـل كلهـا طالهـا
من لابةٍ تكرم الضيفـان بـن ٍ وهيـل=والحيـل يقلـط عليهـا مـن تعنّالهـا
الطيب فيهُم طبيعة كل عصـر ٍ وجيـل=قوم ٍ على الجود توصي دائـم أعيالهـا
قوم ٍ نهار اللقاء يروون حـد الصقيـل=لا ثار عج الرمك يـا طيـب خيالهـا
قوم الكرب عزوةٍ تارد لا هاب الذليـل=على حياض المنايـا تـروي أسلالهـا
وفي حشمتك يا محمد ما نجي بالهزيـل=والطيّبة للوفـي نتعـب ونشقـى لهـا
جتني العزيمة قبل وقت الغروب بقليـل=وأنـا أتشـرف بدعوتكـم ومرسالهـا
الوقت ضِيق ٍ عليّ والشعر باعه طويل=والناس ما تعـذر الشاعـر لِيـا قالهـا
أما يصوغ القوافـي بالكـلام الجزيـل=وألا يخلـي القصائـد مالـه ومالـهـا
وأنا بنظم البيوت العصم عندي حصيـل=شاعر وعرف المعاني واخـذ أجزالهـا
ومن ينتخب مثلكم يا شيـخ والله دليـل=أنا أشهد أنه تخيّـر خيـرت أرجالهـا
فيك الثقة والعدالة جعل عمرك طويـل=أقولها والحكيـم مـن العـرب قالهـا
وأختامها بالكلام الزيـن قولـن وقيـل=والمعذرة كـان أنـا موفيـت مكيالهـا

رد: (فيك الثقة والعدالة جعل عمرك طويـل)
 

رد: (فيك الثقة والعدالة جعل عمرك طويـل)
 

ومن ينتخب مثلكم يا شيـخ والله دليـل=أنا أشهد أنه تخيّـر خيـرت أرجالهـا
فيك الثقة والعدالة جعل عمرك طويـل=أقولها والحكيـم مـن العـرب قالهـا
وأختامها بالكلام الزيـن قولـن وقيـل=والمعذرة كـان أنـا موفيـت مكيالهـا


http://www.arb-up.com/files/arb-up-2008-6/6d469968.gif

رد: (فيك الثقة والعدالة جعل عمرك طويـل)
 

الاخ الغالي المسكت صح بدنك ووجهك ابيض
ولاهنت على مرورك العطر وتقبل تحياااااااتي

رد: (فيك الثقة والعدالة جعل عمرك طويـل)
 

رد: (فيك الثقة والعدالة جعل عمرك طويـل)
 

محمد آل النبخ لاهنت

رد: (فيك الثقة والعدالة جعل عمرك طويـل)
 

الحميدي
ربي يعطيك الف عأآفيه ..

تقبل مروري

رد: (فيك الثقة والعدالة جعل عمرك طويـل)
 

الشاعرالحميدي

كفيت ووفيت الله يبيض وجهك والمدح في من يستحق المدح مكسب.
ولااقول الا: (فيك الحكم والجزاله جعل عمرك طويل) تقبل اخلص التحايا

رد: (فيك الثقة والعدالة جعل عمرك طويـل)
 

ابن ظافر ومن قال سالم يالوافي
وصح بدنك ولاهنت على مرورك العطر

رد: (فيك الثقة والعدالة جعل عمرك طويـل)