|
طابت النفس.
رديت يمي عقب ماطابت النفس =امانة الله رد من حيث ماجيت ذاك امس الاول لكن اليوم غير امس = ماعاد تلقاني على ماتمنيت مع الاسف ماعاد للعاطفه حس = وماعدني اذكر من قصيد الغلا بيت غابت شجوني عقب ماغابت الشمس = وشاب الخفوق وصاب الافكار تشتيت عشت بليالي صمت ماتقبل الهمس = يموت فيهااغلى الحكي لوتحاكيت وقعت للوعه والاحزان بالخمس =ماهو بكيفي بس فيها تبليت اصفق بكفيني على حظي النحس= واقول ياحظ الردى ويش سويت؟ اساير الايام وتسير بالعكس = ماجادت ايامي معي مثل ماارهيت خذيت من سود الليالي مية درس =واليوم جيت ترد ماكنك ابطيت؟ العذر منك الجرح مايقبل اللمس = امانة الله رد من حيث ماجيت. |
رد: طابت النفس.
صراحه روووووعه الله يعطيك الف عافيه
على انك فتحت الجروح وتقبل مروري ودمتم بود |
رد: طابت النفس.
خانتني نظرتي.. الشكر الجزيل لك على الاشاده والمرورالكريم.والعذر على تجديدالجروح.وانشاء الله القادم فيه كل سعاده وسرور.اكررشكري. |
رد: طابت النفس.
خذيت من سود الليالـي ميـة درس
0000 واليوم جيت تـرد ماكنـك ابطيـت؟ العذر منك الجرح مايقبـل اللمـس 0000 امانة الله رد مـن حيـث ماجيـت. شاعر عبس بيتين عن ديوان لله درك وسلم قلبك اصدق الود اخووك |
رد: طابت النفس.
شاعرعبس ::الله يعطيك العافيه كلمات لها ألف معنى بارك الله فيك ويكفي
|
رد: طابت النفس.
المشرفين الاعزاء..المسكت-وبن ظافر- تعجز الكلمات عن وصف بالغ سروري بهذه المتابعه والمرور من قبلكم.فلكم جزيل الشكر والتقدير. وشكر خاص (للمشرف الاداري المسكت )على التكرم بهذاالتعديل الجميل لتنسيق مشاركتي. ولااخفيكم ان لدي مشكله في عملية التنسيق للمشاركه.ولكن امل ان يشفع جوهر مشاركتي الداخلي لمظهرهاالخارجي.ولكم تحياتي. |
| الساعة الآن 02:50 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir