يا حظ تكفى طلبتك لا تجافيني
اقعد بصفي طلبتك بس هـالمره


ماعاد باقي دمع ما طاح من عيني
وآنا اتصبر واسب العيشه المره


يا قلبي الوافي امانه لا تخليني
تعبت من كبر الهموم بقلب يا صغره


الى متى يا هم تبقى مخاويني
خوه عزيز على الكسرات يا جبره


ابيه يبعد ولكن مو موحيني
وخف صوتي معاه وخفت النبره


ياهم تكفى ترا الي في كافيني
ماعاد فيني استطاعه حمل يا كبره


لامن سليت النهار الضيق يمسيني
ولامن سليت المسا قابلني من بكره


مافيه حيله ولا حاجه بيديني
حتى الثلاثه بعيني أصبحت عشره


لاصار صدري وطن الهم معطيني
جيش الهموم وجنوده بكامل الخبره


اقسم برب الذي خالقني من طيني
ماعاد تفرق معي ولا حركت شعره


والحين دامه تحدي بينك وبيني
هذا جوابي كتبته في طرف شطره


لا ضاق صدري وهمي جاي حاديني
وقفت قدامه وجالس وحدي انتظره


هذا قصيدي كتب من حر ما فيني
والقلب والله فلا هو منتهي صبره

المشاركة الأصلية كتبت بواسطة بنت الشيخ (المشاركة 415310) الله يبعد الهم والحزن عن كل قلب قصيدة رائعة بروعة كاتبها الله يعطيك العافية ومشكوووووووووووووور عالخدمة !!

اشكر لك المرور ولك التقدير

المشاركة الأصلية كتبت بواسطة بعد نظر (المشاركة 415321) لاصار صدري وطن الهم معطيني جيش الهموم وجنوده بكامل الخبره مشكور والله يعطيك العافية

المشاركة الأصلية كتبت بواسطة روح البنفسج (المشاركة 415636) تجليت في سما الأبداع أعطر التحايا و الشكر القدير لك00

المشاركة الأصلية كتبت بواسطة فاضل بن سلمان (المشاركة 415774) مبدع كما عهدناك متميز كماعرفناك الف شكر ل عبدالرحمن 2008