|
من لها من شعارنا
بشرني رفيجي السعودي بالزياده... عاد يوم جات السوالف طلعت الزيادة 5% ..... قلت :
سر يمنا لدبي يا مرحبا الساع....... دبي تحفظ للبنادم وقاره! لا تنتظر يا خوي تحسين الأوضاع.....ما أطولك ياليلن بعيدن نهاره! صارت مثل بدبي لا طاح بالقاع..... حظ الصبي قالوا بصدق العباره! حظك سعودي؟ ويه ياقل الأسناع..... لا فاد ربح ولا سلم من خساره! أية بدل ؟ هذي ثمن كيس نعناع..... حتى رواتبكم بدل ( للطراره) |
رد: من لها من شعارنا
والله قويه يا بن ظافر
وحنا لها لا تخاف لكن من كاتب القصيدة وفي اي منتدى |
رد: من لها من شعارنا
قويه الكلمات
بصراحه من حقكم تزعلون لان الغلا صار فاحش والرواتب بالنازل والحياه تذبح الله يعينا يسلمواااااااااا |
رد: من لها من شعارنا
من منتدى القمه السياسي
قال الشاعر الإماراتي : سر يمنا لدبي يامرحبا السـاع = دبي تحفظ للبنادم وقاره لا تنتظر ياخوي تحسين الأوضاع = ماطولك ياليل بعيد نهاره صارت مثل بدبي لاطاح بالقاع = حظ ال صبي قالوا بصدق العبارة حظك سعودي ؟ ويه ياقل الاسناع = لافاد ربح ولا سلم من خسارة اية بدل ؟ هذي ثـمن كيس نعناع = حتى رواتبكم بدل ( للطرارة ) وقال الشاعر السعودي رداً على هذه الأبيات : تخسا وتعقب حقدك اليوم قد شاع = وبان القناع اللي ستركم وقاره الوضع متحسـن ولا بيننا جيـــاع = وشبه الجزيرة ما تقارن بـ أماره لا بيننا هندي وسندي ولا رعاع = الشعب واحد في الشكل والعبارة هذا وطنا موطن أحرار وسباع = ماهو بمدهال لــ نـشوى وساره مهبط وحي ترقى على كل الابقاع = يكفي بها مكة وطيبه مناره وأصغر سعودي ما يقارن بفز( ....) = لا دق زير الحرب وأشعلت ناره أقول وأنا أرد على الشاعر السعودي : يا أخي وش اللي جاب مهبط وحي ومنارة مكة عند دبي العهر والسكر والخمر ؟ هؤلاء الأماكن المقدسة عندهم البارات والخمارات والزانيات والمومسات هذه هي أماكنهم المقدسة ، لأجل ذلك يقول : سر يمنا لدبي يامرحبا السـاع = دبي تحفظ للبنادم وقاره وهذه الأماكن أماكن الخمارات والقاذورات والزواني والزانيات هي التي تحفظ لبني آدم وقاره فقال : دبي تحفظ للبنادم وقاره وللأسف الشديد فصار عندهم الفرج والشراب هو حفظ لبني آدم نسأل الله العافية والسلامة |
رد: من لها من شعارنا
صح لسانه الشاعر السعودي وسلمت بن ظافر |
رد: من لها من شعارنا
أخواني الكرام الموضوع الصحيح إن هذه القصيدة نسبت الى الشاعر الإمارتي / هادي المنصوري مقدم الشعراء في شاعر المليون وقد نفى هذا الخبر ورد بقصيده موجهه الى خادم الحرمين الشرفين وسوف أوافيكم بها علماً إنها طرحت في إحدى الصحف السعوديه ويجب علينا التأكد من ذلك 0
أما الإمارات وشعبها وما فيها فلا يقارن بالسعوديه فيه فرق مثل ما بين الأرض والسماء . وعفاكم 0 |
رد: من لها من شعارنا
تسلم يا البتار الله يعطيك العافيه والخبر عندكم أصدق وأعلم
سيدالموقف ألف شكر على المرورالكريم |
رد: من لها من شعارنا
اقتباس:
اعـتذااااار الشاعـر الاماراتي هـادي المنصـوري للشـعب السعودي ولخادم الحرمين خــاصـه بـعـد ان تناقلت الـمواقع الاخـباريـه على الانتـرنت قـصيـدة " نـسبت الــيه " بمـناسـبة زيادة رواتـب موظـفي الدوله) # الـقـصيـدهـ # (جريدة عكاظ الـموافـق 26/01/1429 هـ العـدد 15136 )
يا راسي ان غثـك من الحاسـد صداع=لا يشغلك الا صداع النعاره تارد عـليك اقوال واقــوال وتـــــذاع=وتورّد أوجاعك قصيد وعباره تحــيةٍ مــن بـوظبي بـعـد الاوجـــاع=توصل لبو متعب وتوصل لداره تـاصل لـذربيــن اليــماني والاطـباع=اخوان نوره منتهى كل غاره قـــومٍ عـلى مــد الوغى تكسـر ذراع=وترد في ضلوع المعادي نياره وتــفتح لباب الطيب والجود مصراع=وتصك بيبان الردى والحقاره اقــولهــا مــن قـلب ماني بــمـرتــاع=من كلمة اللي يلتفت للعياره يا خـادم أطهـر بقعـتيـنٍ عـلى القــاع=الجود ورّد لك مساه ونهاره طـالت يدك في الجـود باع ورى باع=وانساق لك عز الوطن وافتخاره يا ســيدي وان زاد هــمي بالاضلاع=ما انتظر في الغير رد اعتباره متربيٍ بالطـيب وللطـيب مــطـــواع=ماني من اللي يشتكي من هجاره من لابةٍ تاطى عـلى نيـاب الاســباع=دايم نباها في المغازي بشاره ربعي بين منصور صلفين الاكــواع=قومٍ على العادات رهن الاشاره والا السعــودي له بصدري توسّــاع=احفظ انا قدره واحفظ وقاره لو حرك الواشي على لساني صراع=أصد انا عنه و احد انتشاره الناس لو شافت عذق نخلك انــصاع=ترمي عليه حجار تبغى ثماره الــحـق عند الله مـــوجــود ما ضاع=وان ضاع عــند الناس ما هو خــساره تعليقي أن الشاعر هادي المنصوري ذو اخلاق عاليه ولاتصدر منه مثل تلك التفاهات ويبقى الشعب السعودي والحكومه السعوديه ومن يُحبهم عصابة راس كل مسلم وكل عربي رغم حسد الكائدين وخُبث الحاقدين مشكور بن ظافر |
رد: من لها من شعارنا
السكت الله يعطيك العافيه على توضيح الحقيقه
|
| الساعة الآن 12:01 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir