|
ســـــــــــــــــــــالفـــة شمعـــــــــــــــــــــي
هذا الغلا لو درى ما سافر بضلعي !
وخلا بيوت العظام أتطيح مبريه الحزن واحد ولا به ناقص وفرعي والموت يا أهل العروق بنفسي الحيّه كن الحزن مستمد الخوف من دمعي طوّل ولا ادري وش آخر هذي الجيه ماني من اللي جفاه الحظ يا ربعي بس النصيب أنكتب والروح مكويه وين السوالف جفتني والفرح طبعي وين الليالي سرت من غير فجريه يوم القصايد تجف ويختفي نبعي امضي ولكن ولا ادري وين هالنيّه ! احاول اكتب ولكن ما سمح وضعي احاول امسح ولكن وين ما فيّه ! ذاب الغرام ومضى في سالفة شمعي ليته شعر يبتدي في صوت رديّه هذا وانا ما كتبت الحزن من سمعي هذا وانا ما طلبت لحزني الديّه جمّعت حزني وحطيته على صبعي وجات القصيدة على القيفان مبريّه ! |
رد: ســـــــــــــــــــــالفـــة شمعـــــــــــــــــــــي
أبيات جميله ومفرداتها أعجبتني كثير والمعنى والتوظيف أكثر جمالاً ولا أقدر أقول إلاّ عسى الله يوفقك وعساك تسلم 0
|
رد: ســـــــــــــــــــــالفـــة شمعـــــــــــــــــــــي
ظافر العمري
هلا وغلا فيك يالغالي ابدعت وصورت بإحساس رائع سلم قلبك ودمت سالم احترامي وتقديري اخووك |
رد: ســـــــــــــــــــــالفـــة شمعـــــــــــــــــــــي
غرمــان بن عــزيــز
المسكــت اشكركم على مروركم المشرف وتقبلوا كل الاحترام والتقدير مني |
رد: ســـــــــــــــــــــالفـــة شمعـــــــــــــــــــــي
رائع انت يا ظافر
وصح لسانك |
رد: ســـــــــــــــــــــالفـــة شمعـــــــــــــــــــــي
احاول اكتب ولكن ما سمح وضعي
احاول امسح ولكن وين ما فيّه ! ذاب الغرام ومضى في سالفة شمعي ليته شعر يبتدي في صوت رديّه هذا وانا ما كتبت الحزن من سمعي هذا وانا ما طلبت لحزني الديّه القصيده رائعه واروع مافيها هذه الابيات الله يعطيك مليون عافيه |
رد: ســـــــــــــــــــــالفـــة شمعـــــــــــــــــــــي
اخواني
فيصــــــــــل & عجــــاج السنينـــي اشكركم من كل قلبي على مروركم وتقبلوا كل الود من اخوكم ظافر العمري |
| الساعة الآن 01:03 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir