|
((( عتـــاب لأحد الاصحـاب )))
بــســـم الله الـرحــمــن الــرحــيــم الـسـلام علـيـكـم ورحـمــة الله وبـركـاتـه ((( الـجـديـد يـــا طـالــب الـجـديــد ))) هذه قصيدة جديدة بعنوان (( عتاب لأحد الاصحـاب )) آمل أن تحوز على رضا الجميع في هذا الصرح الشامخ
يا لصاحب اللي خذاك إبليس في كمّه=أركد ولا تنجرف يا طيـر حورانـي وأبحث عن الحق لا تخطيه وتخمّـه=ترى الركاده لها عند العرب شانـي وإن جاك نمام ينقل لك ولـو نمّـه=فقل أسترح لين أشوف العلم يا فلاني لو كان لـلآش لا خالـه ولا عمّـه=ولا نتب عن الحق يا رجال عمياني الحق يا صاحبي فـي ذمتـي ذمّـه=ما يجهله غير من يغويـه شيطانـي أمّا من الأنـس وألا الجـن يختمّـه=ويحط له بالردى منهـج وعنوانـي لكن بعطيـك رأيـي كـان بتضمّـه=جنّب عن اللآش لا يلحقك نقصانـي جنّب عن اللآش لا يا تيـك بمطمّـه=وتخسر مكانتك عند أطوال لأيمانـي وخاو الذي خوّتـه ترقيـك للقمّـه=ترى الخوي يا فتى له دور وكدانـي أمّا تعليـت وألا طحـت بـا لجمّـه=ومن طاح ما ينفعه ربـع ٍ وخلانـي من طاح يا صاحبي كل ٍ ترى ذمّـه=يصبح هدف للبشر لأقصين والداني هاذي نصيحة من اللي وضعك أيهمّه=سطرتها لجل عينـك يـا كحيلانـي سطرتها وأبتدي الموضـوع وأتمّـه=من هاجس ٍ للمعانـي دوم طربانـي يطرب لعز الصديق وللعـدو سِمّـه=سِم ٍ يعيق العـدو لا مـال عقبانـي أكويه قدم العـرب والنـاس ملتمّـه=ولا همّني من يشيل السيف شاما ني سيفي صقيل ٍ يقص الرأس ويزمّـه=ويداوي الشره كـان إنـه تحدانـي والصادق اللي يعد الصدق ما همّـه=قول الحقيقة يعدّه ويـن مـا كانـي وصلاة ربي على المبعـوث للأمّـه=محمد المصطفى من نسـل عدنانـي أخوكم الشاعر / الحميدي بن سعد السويدي السبيعي |
رد: ((( عتـــاب لأحد الاصحـاب )))
جامل زمانك لو زمانك تحداك0000واصبر على مر الليالي وكدرها
لاتشتكي للناس عن كل ماجاك0000وسرك حذاري لايعرفه بشرها حتى تعرف اللي مع الدرب خاواك00وتظهر حقايق ناس تخدع صورها |
رد: ((( عتـــاب لأحد الاصحـاب )))
ابيض وجه يالسبيعي
مليئه بكل ماهو جميل ورااائع صح لسانك ووعلا شانك والله لك أجمل التحايا والاحترام وكل عااام وانت بألف خير اخوووك |
رد: ((( عتـــاب لأحد الاصحـاب )))
صح لسانك لن أقول أكثر كل التحية والتقدير |
رد: ((( عتـــاب لأحد الاصحـاب )))
اقتباس:
|
رد: ((( عتـــاب لأحد الاصحـاب )))
شاعرنا المحبوب الحميدي
يا من تركت حبك يتربع في قلوبنا بابداعك وشعرك المثالي الحقيقه اعتدت ان اقتبس بعض الابيات التي تكون مميزه لاعلق عليها ولكني في هذه القصيده وجدتها كلها مميزه فصح لسانك والله يعطيك العافيه تقبل مني خالص اعجابي وتقديري اخوك ابو عبدالله |
رد: ((( عتـــاب لأحد الاصحـاب )))
اقتباس:
ولاعليك زود صح بدنك ولاهنت على مرورك العطر وتقبل تحياتي وتقديري |
رد: ((( عتـــاب لأحد الاصحـاب )))
اقتباس:
طال عمرك لا هنت وتقبل تحيااااااااااااتي |
رد: ((( عتـــاب لأحد الاصحـاب )))
مـن طـاح يـا صاحبـي كـل ٍ تـرى ذمّــه
يصبـح هـدف للبشـر لأقصيـن والدانـي هاذي نصيحة من اللـي وضعـك أيهمّـه سطرتـهـا لـجـل عيـنـك يــا كحـيـلانـي سطرتـهـا وأبـتـدي الـمـوضـوع وأتـمّــه مـن هاجـس ٍ للمعـانـي دوم طربـانـي يـطـرب لـعـز الصـديـق وللـعـدو سِـمّـه سِـم ٍ يعـيـق الـعـدو لا مــال عقبـانـي أكـويـه قــدم الـعـرب والـنـاس ملـتـمّـه ولا همّني من يشيل السيف شاما ني صح لسانك يعطيك العافيه انت اروع من رائع وهذه اول مرة اشوف فيها قصائدك 00 سعدت جدا بها الامام صاحب انت-- عمروي |
رد: ((( عتـــاب لأحد الاصحـاب )))
اقتباس:
يالوافي وأعجابك يزيدني فخر ويدفعني للأفضل لاهنت على كلامك الطيب وتقبل تحياتي وتقديري |
رد: ((( عتـــاب لأحد الاصحـاب )))
اقتباس:
والراااااائع هو مرورك وكلامك الطيب لاهنت وتقبل تحياتي وتقديري ,,,, |
رد: ((( عتـــاب لأحد الاصحـاب )))
هاذي نصيحة من اللـي وضعـك أيهمّـه
سطرتـهـا لـجـل عيـنـك يــا كحـيـلانـي سطرتـهـا وأبـتـدي الـمـوضـوع وأتـمّــه مـن هاجـس ٍ للمعـانـي دوم طربـانـي صح لسانك الحقيقة هذه الابيات اعجبتني لأنها تتكلم عن النصيحة واحلى شيء في الصداقة النصيحة لأن الصديق اذا ما خفت عليه ما نصحته اذا كان ماشي في طريق الخطا . |
رد: ((( عتـــاب لأحد الاصحـاب )))
صح لسانك أخي الشاعر الحميدي السبيعي
القصيدة جزلة ومليئة بالحكم أشكرك وأتمنى لك دوام التوفيق. |
رد: ((( عتـــاب لأحد الاصحـاب )))
شاعرنا المتميز صح لسانك بحثت في جنبات القصيدة فلم اجد الا سمو وتحدي فكل بيت لؤلؤة يزدان بها تاجك الزاهي وارى حكيما عاصر الأيام فعصرها شعرا واديبا يسير الشعر في أثره وتطرب الكلمات من سحر بيانه دمت بخير ايها المبدع شكرا لك وتقبلني بود |
رد: ((( عتـــاب لأحد الاصحـاب )))
يعطيــــــــــك الف مليـــــــــــون عــــــــــــــــافية
قصيــــــــــــدة جميـــــــــــــــــــــــة وصـــــــــــح لســـــــــــــــانك |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir