العيـــد هــلّ وزغـــرد النـــاس فرحه=وأنا أحــــس أنـــي من النـــص مقسوم
اللـــي شـــرى بشت وطــيب لصبحه=وأنا شريت من العنــــــاء هــمّ بالكوم
وجـه الفرح يلبس على الراس طرحه=ووجهي غدى من لـوعة الوقت ملطوم
والحـزن شيـــّد داخــل القلب صرحه=وثوب السعد من شــدة الضيــم مخروم
الأمس مثــل اليـــوم والغــــــد ّشرحه=الأمس مـــرّ وباقــــي الغـــــــد واليوم
من حرقتي أحس في الجـــوف قرحه=أضحك بوجه الناس والجــوف مسموم
وعــــــدّ دمــع العين لــو شـح نضحه=يندى جبينــــي بالعـــــرق مثل محموم
من عقب ما دنيــاي بالفــــــرح برحه=ضاقت بوجهـــي وكل موجــود معدوم
وأرست مراكـــب ذكـــــرياتي بنفحه=على ضفاف الموت وأصبحت مرحوم
وعمق الألم طــــوله تســـاوى بسفحه =ولجت في مــوجه وأنا ماعــرف أعوم
كانت مشاعـــرنا مــــع الوقت سمحه=وكنا نعزي النفس عــن ضحكـــة اللوم
حتى أنفـرط حبل الصبر فرط سبحه=وحظـــي تعثّـــر كل ما حـــاول يقــوم
ما فيــــه فـــرق بين خســــره وربحه=ومــا عـــــاد أميز بين خــادم ومخدوم
صــرخـت حتى لازم الصــــوت بحه=وحاولت أخفــــي كـل ماكـــــان معلوم
ياشـين وجـــه الوقت ياشــــــين قبحه=ثقيـــــل طينـــه جرت خطــــاه بالشوم
غرز بمجــــرى الظهر ياخوك رمحه=حتى أنبثق صـدري من الجرح مكلوم
أرهقـــــت عمـــري ليـن مليت كدحه=وأصبحـت كنـي راعـــي ضيّـــع القوم
يا قطعــــة منــي فقـــــــــدتك بلمحه=هبّ القدر وأخــــذك وأخــــذ لـذة النوم
واللي فقير الحـــال مـــن دون صحه=لامن ذكــــرته صرت بالهــــم محكوم
ياليتني أصحــــى على قــــول مزحه=ويقول لــي شخــص تراك أنت موهوم
لألعب على أوتار الطــرب لعب دحه=وأجاوب أهل الطــار بلـــحون مضيوم
شرعـــــت لك يالصبــــر باب وفتحه=أن جيت والأ مــــانت ياصـــبر ملزوم
وشلـــــون أعيّـــد دام مافيـــــه فرحه=ومحد ٍيغيـــــّر شــيء مـــن الله مقسوم

من حرقتي أحس في الجوف قرحـه
أضحك بوجه الناس والجوف مسموم
وعدّ دمع العين لـو شـح نضحـه
يندى جبيني بالعرق مثـل محمـوم

المشاركة الأصلية كتبت بواسطة صالح آل سلمان (المشاركة 387980) الله عليك يا معذور تغيب كثيراً كثيراً عن محبيك ولا نعلم الاسباب ولكن دائماً اجد لك الاعذار نعم اجد لك هنا عذراً سميناً فقد عدت بالابداع معك وهذا يجعلنا نعذرك عن الفترة الماضية التي حرمت الاعضاء من ابداعك صح لسانك البرد جاء يا معذور والمخيم بنرجع نضبطه وبترجع تلك الليال الجميله تقبل خالص المودة ابو عبدالله

المشاركة الأصلية كتبت بواسطة ذات الشان (المشاركة 387982) يااااااااااااه يالمعذور وكأن الحزن قدغاب عنا لنسترجعه بهذا الكم من الالم رغم كم الالم والحزن الا ان رووعة الكلمات تمحو الحزن هنيئا لك هذه الموهبه وهنيئا لي اني قرأت لك

المشاركة الأصلية كتبت بواسطة بن ظافر (المشاركة 388011) الله عليك يا معذور::الله يعطيك الصحه والعافيه ويكفينا وأنت صكات الدهور:: ويكفيني من حرقتي أحس في الجوف قرحـه أضحك بوجه الناس والجوف مسموم وعدّ دمع العين لـو شـح نضحـه يندى جبيني بالعرق مثـل محمـوم والله ما فيها خيره

المشاركة الأصلية كتبت بواسطة المعكوس (المشاركة 388028) قصيدةشيقة يعطيك العافية

المشاركة الأصلية كتبت بواسطة ابولينا (المشاركة 388033) صراحه قصيدة جميلة ومحزنه في نفس الوقت عسى الله لايضيق علينا وعليكم ان يفرج همومنا وهمومكم

المشاركة الأصلية كتبت بواسطة جرحيLamaعميق (المشاركة 388036) يـا قطعـة منـي فقدتـك بلمحـه هبّ القدر وأخذك وأخذ لـذة النـوم واللي فقير الحال مـن دون صحـه لامن ذكرته صـرت بالهـم محكـوم ياليتني أصحى علـى قـول مزحـه ويقول لي شخص تراك أنت موهـوم الـــلــــه .... الـــلــــه .... الـــلــــه الله عليك يا المعذووور ... أقسم بالله جبتها ع الجرررررح ... اعذرني أقسم لكـ خانني التعبير تقبل مرور أختكـ