|
فيه شغله بسيطه تسويها اول ماتدخل النت..وما تاخذ منك الا أقل من دقيقه
السلام عليكم ورحمة الله وبركاته
وأسعد الله صباحكم او مسائكم بكل خير بخش بالموضوع على طول شغله بسيطه مره ممكن انك تسويها بكل مره تدخل النت وصدقوني ماتاخذ منكم دقيقه وحده بس وهي أنك تدخل على موقع الفيفا على الرابط هذا http://www.iffhs.de/?b002ec70a804f4cd003f09 وأنك تصوت لياسر الكاسر حتى ولو انك صوت قبل كذا ممكن يقبل التصويت اكثر من مره وبها الطريقه أن شاء الله نحاول ان ياسر يكون بالمراكز المتقدمه بالاعبين الاكثر شعبيه وانا ماقلت أننا نوصله للاعب رقم واحد جماهيريا على مستوى الاعب كون القائمه تضمن كوكبه من ألمع لاعبين كرة القدم بالعالم لكن اذا وصل الى المستويات المتقدمه ممكن اننا نلفت انتباه النقاد والسماسره للنظر في مستواه وان شاء الله عن طريقها يتم احتراف الاعب في أقوى اندية العالم آسف على الاطاله..والطريقه اللي انا ذكرتها بصراحه انا اسويها باليوم والواحد اكثر من مره مع العلم اني ياسر في مقدمة المرشحين حسب ماذكر في جريدة الوطن ليوم الاحد ولاتسيروا زي بعض الحاقدين اللي يسمون فريقهم بالعالمي ,,اللي صوتوا لمحمد ابو تريكه المصري ماعندهم وطنيه وش نقول واعذروني اذا الموضوع مكرر وبالتوفيق ان شاء الله للزعيم اولا....ثم لياسر القحطاني اخوووكم: عظيم الشوق |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
لافضّ فوك 0
مع يقيني ان التصويت الحاقد سيذهب لاسماعيل مطر الا من رحم الله 0 نفسي اعرف لماذا ياسر ؟ هل اخلاقه او مهارته تدعونا للحقد الدفين عليه ؟ ام انه خليفه بالحقد للاسطوره العالميه الخرافيه ومرعب المزهريات ومؤيدي المسيار : الذئب سامـــــــي الجابر اتركوا التعصب وصوتوا لياسر ولو وفاءً لهذا الوطن !!!!!!!!! |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
ياعجاج السنيني الله يهديك واش هذه الالفاظ والردود ياخي لاتجعل الكرة اكبر همك
ثانيا الم يصوت صالح الحمادي ضدالاسطورة ماجدعبدالله اذا صالح حاقد وثالثا مفروض تحسن الرد كي تقبل الناس يصوتون للنجم ياسر ورابعا هل انت تتحلم بالنصر العالمي حتى في كتاباتك الله يهديك واخيرا ياخي ابغى اسالك لو انت كاتب باسمك الفعلي هل ستكتب بمثل هذا الهبوط وياليتني اعرف من انت ومن اين |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
|
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
معناته لن تذهب الجائزه لمن يستحقها إذا صوتوا الجماهير بأكثر من صوت سواء لياسر أو غيره ...
وأعتقد أن كاكا أكثر شعبيه حالياً بحكم شهرته وفنه ..... بس ما أدري وش الهدف من هذه المسابقه أو اللقب .... |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
صوتو لياسر من منطق وطني لانه الوحيد من المملكه العربيه السعوديه
انا لست هلاليا ولكن من الواجب اصوت للسعودي مهما كان الامر وحتى لو ان بيني وبينه خلاف لاكن لو فيه اكثر من مرشح سعودي فهذا نثر الاصوات وقلل من تقدم اللاعبين السعودين لاكن ما دام انه واحد مترشح فنتمنى انه يتفوق على منافسينه لاتخلون الحقد يعمي ابصاركم ويخلخل وطنيتك تقبلو تحياتي بحر |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
يابن ظافر انا ماتعصبت اللي تعصب عجاج السنيني
ثانيا انا صوت لياسر لانه سعودي ولاعب يستاهل لاكن انا اختلفت مع عجاج في منطق الرد فقط لاغير واختلاف الراي لايفسد للود قضية وعجاج اخوي في الاسلام والوطن ولايفرق بيننا نصر وهلال وكلنا صبيان العمارية |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
بالتوفيق لياسر القحطاني
وبإذن الله يحصل على مركز متقدم في الترتيب العالمي . |
رد: فيه شغله بسيطه تسويها اول ماتدخل النت..وما تاخذ منك الا أقل من دقيقه
اخي سلطان الشايق : انا متأكد انك تعرفني تمام المعرفه 0وكلامي لا يوجد فيه هبوط اخلاقي ؟؟؟؟؟؟
عشاني قلت تصويت لإسماعيل مطر من السعوديه يعني ؟ طيب وش رايك ان هناك من زملائي ومعارفي من يعلن في منتديات ويتكلم بكل مجلس عن ان ياسر مافي راسه لعب واسماعيل يجب التصويت له ؟ لانه عربي ومسلم ومطوع ؟ انا شفت بشر غريبه يابو السلاطين وما ادري وين الرياضه موديتهم ؟ اقصد الحقد على نادي معين وكل من ينتسب له 0 الاخ بـــــــحــــــــر : ارفع القبعه احتراماً لك ولكل شخص حيادي ومنطقي0 وقلبه وعقله خاليان من سفاسف الامور 0 |
| الساعة الآن 09:06 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir