اللي ما تعرف تكوي الغترة تتفضل
 

كيف تعتنين بالغترة البيضاء
1- اغسلي الغترة بصابون مناسب, وأفضل نوع من الصابون ,صابون الوزير وهو متوفر في بندة ,أو اريال.
2-لا تستخدمين ,الكلوركس (دواء الغسيل) لانه يصفر الغترة.
3-انشريها داخل البيت ,عشان ما يعلق بها اتربة او غبار
اعداد الغترة للكوي
1-بلي الغترة بالماء, حتى تصبح رطبة, واتركيها لمدة خمس دقائق.
2-تأكدي من نظافة المكوى ,,وطاولة الكي.
كوي الغترة
1-افردي الغترة على الطاولة.
2-انتبهي لهذه النقطة المهمة,, الغترة مربعة الشكل

ولها خطوط طولـــية: وهي اللي حافتها مافيها خياطة
خطوط عرضـية: اللي في حافتها خياطة
3-ابدأي الكوي من الخطوط اللي ما فيها خياطة يعني خلي المكوى يتجه اتجاه طولي موازي للخطوط الطولية فقط حتى تصبح الغترة كلها ملساء مثل الورقة.
4-ثلثي الغترة مرتين بدون كوي واتركيها لمدة خمس دقائق والسبب في هذا لان انسجة الغترة عندما تتعرض للكي تتمدد بالحرارة ثم ترجع الى وضعها الطبيعي فالخمس دقائق كافية لان تعود لوضعها الطبيعي
5-ثبتي حواف الغترة المثنية برشها بالنشأ وضعي بين المكوى وبين الغترة حاجز مثل قطعة قماش بيضاء او منديل من المقاس الكبير لان تكرار استخدام النشأ مع الحرارة يصفر الغترة
نصيحة
عزيزتي:
لا تتضايقين من الغترة البيضاء, وتقولين تعبني غسيلها وكويها, احتسبي الاجر عند الله ,وانوي بعملك هذا مرضاة الله لان الله سبحانه أمر المسلم ان يأخذ زينته عند كل مسجد ,{يابني آدم خذوا زينتكم عند كل مسجد} وكما ثبت عن الرسول صلى الله عليه وسلم أنه كان يحرص على لبس البياض عند الذهاب للصلاة فكوني عونا له على طاعة الله ورضوانه حتى تفوزين بالأجر

إن شاء الله قدرت اوضح

رد: اللي ما تعرف تكوي الغترة تتفضل
 

رد: اللي ما تعرف تكوي الغترة تتفضل
 

رد: اللي ما تعرف تكوي الغترة تتفضل
 

عذب السجايا
شكرا لمرورك وجزاك الله خير

ابو مانع

الغسيل سهل بس الكوي يأخذ وقت طويل خاصة إذا كانت صاحبة البيت موظفة أو طالبة
شكرا لك
العود ريانة
حياك الله لو طبقت الطريقة اللي شرحتها فوق يكون سهل ان شاء الله وشكرا لك

رد: اللي ما تعرف تكوي الغترة تتفضل
 

ماقصرتي على معلوماتك التي فعلاً تستحق متابعتها من بنات جنسك
ولك خالص التحيه

رد: اللي ما تعرف تكوي الغترة تتفضل
 

الاخ المراقب علي مشكور على المرور
صحيح ان الكوي سهل لكن بعض البنات ما تتقن كوي الغترة وتأكد من العنوان بارك الله فيك
الاخ غلا....ي
شكرا على المرور

رد: اللي ما تعرف تكوي الغترة تتفضل
 

يرفع للفائدة

رد: اللي ما تعرف تكوي الغترة تتفضل
 

صراحة معلومات مفيدة ودقيقة



معلومة للي ما يدري


الكوي عملية مو سهلة مثل ما يشوفون اكثر الرجال


الكوي عملية مرهقة جدا ولو تلاحظون ان ربة البيت بعد ما تخلص كوي ملابس تكون مرهقة جدا


- تستخدم اليد واحدة سواء يمنى او يسرى حتى يصيبها الارهاق لعدم استطاعتها الكي باليد الاخرى


- مايصيب الذراع من الم يمتد للظهر

- كثرة الوقوف عند الكي يسبب ارهاق شديد وكما نعرف ان كثرة الوقوف من اهم اسباب انتشار الدوالي عند النساء

وكذلك الحال لو كانت المرأة في وضع الجلوس


- بعض الملابس تحتاج لجهد كبير عند الكي بسبب نوعية القماش




وطبعا ملابس هاليومين مو مثل ملابس جدتي وجدي


يعني اكوام ملابس لمختلف الاغراض


يعني اذا بتخصص ربة البيت وقت للكي راح تستغرق ساعات وما تنتهي الا وهي مرهقة جدا وتحس بغثيان


يعني بالمختصر يا زين الحنونين الي يودون ملابسهم المغسلة :nosweat:


والا يشترون مكوى بخار كبير حتى تكون العملية اسهل واسرع



-مشكورة عالمعلومات

رد: اللي ما تعرف تكوي الغترة تتفضل
 

يعطيك العافية اختي تحسين

والله كويها ماهو سهل والي يقول سهل ما جرب وعلى ما يقول المثل

ماسهل اللعب عالمخيلة ههههههههه

رد: اللي ما تعرف تكوي الغترة تتفضل
 

سلمتى وسلمت لنا معلوماتك

فعلا الشغله اللى ماحبها من صغرى الكوى وخاصةالغتره فعلا كيها متعب ويأخذ وقت

وصدق يامسهل الضرب عالمخيله

رد: اللي ما تعرف تكوي الغترة تتفضل
 

لا تقولون لي اغسل غتره ولا اكويها ولا تقولون فكي الغاز ولا صلحيه

الشغلتين تيه لايمكن اعرفلها في يوم من الايام

ابويه واخواني مساكين يسوون ثيابهم وغترهم في المغسله
يارب زوجي يسير عباهم .. صح؟

يعني بالله وش بيخسر الواحد الى سواها برا ولا بس يعنني ريال ولا ييودها لي الا مرتي
ولا يعنني اتقرف مابعا الا في بيتي

هيا شلوها

ونتي شكرا لك..و يمكن اذا سرت طيبه ومسكينه اسوي ذا قلتي

رد: اللي ما تعرف تكوي الغترة تتفضل
 

كادي

بنت الشيخ

فجر

حياكم الله وبارك فيكم اجمعين


ريانة العود

تخربين على البنات يابنت الحلال الله يصلحك
ودي انك يوم عزمت تكتبين الرد ذيه انك كنت( محناة)

رد: اللي ما تعرف تكوي الغترة تتفضل
 

والله من جد اذا عرفت ان اي وحده تغسل الثياب والغتر في البيت وتكويها احس ان زوجهااااا شرير اقول في نفسي يوومتي ما اخسه ...احس انه وحش ..ظالم .. بخيل ..كل شي


نفسي اعرف ليه التعب ذا كله وفيه بديل ؟ علميني واشوف

رد: اللي ما تعرف تكوي الغترة تتفضل