منتديات بني عمرو - من يم نجد وشرق مكه وطيبه

من يم نجـد وشـرق مكـه وطيبـه
لين الديار اللـي جنـوب القريـات.
جيت بخفوقي شـوق ماينحكـي بـه
أكبر من حروف الشعر و الكتابـات.
شوق ٍ ما هو شوق الحبيـب لحبيبـه
شوق [الطنايـا للكـرم والجمـالات]
ولو قالـوا ان الـدار ماهـي قريبـه
بقول : يعني ماتهـون المسافـات ؟.
ما هـم بربعـي بالليالـي الصعيبـه
أجل وربي مـا حسبـت المشقـات.
[شمر] ليا صـك الصليـب بصليبـه
أهجد يا جن وأنس لاهل الطويـلات.
يرضخ لهم الطيـب حشمـه وهيبـه
ويرفع لهم بالعـز بيـرق ورايـات.
ومن مرهم طرقـي بياخـذ ضريبـه
فنجال[اشدا من خضـاب الخونـدات].
والموقـدة تشهـد بـراس الرقيبـه
ومن طيبهم ما ينزلـون الطمانـات.
[والشمري] من طيب راسـه وطيبـه
به ميـزة ٍ عـدة حـدود المـروات.
لاثـارت الفزعـات لاتنتخـي بــه
لانه يثور من[الطنـا] دون فزعـات.
الله خلقـهـم للمصيـبـه مصيـبـه
وللنـار نـار وللمعالـي ريــادات.
وللمـوت مـوت وللهيبـه لهيـبـه
وللطيب طيـب وللمراجـل سيـادات.
لكـن بهـم حاجـه ولاهـي غريبـه
يمكن يخون بها الشعـر والعبـارات.
اليا بطشوا خلوا المضـارب عطيبـه
واليا عطوا ما مـدوا الا الجزيـلات.
ما ارفـع مكانتهـم بشعـر ٍ اجيبـه
هم يرفعون حروف شعري مقامـات.
وآخر ما اقول بالشعـر وانتهـي بـه
بحطها بقوسيـن واربـع علامـات .
[ الشمري ! عيبه ! وعيبه ! وعيبه !
اليا ارتكي للحمـل شـال الثقيـلات ]

أبيات أعجبتني فحبيت نقلها