|
(<$>)(<$>) يوم الخميس (<$>)(<$>)
يوم الخميس العصر قابلت في السوق= ثلاث بيض لابسات البـــــــراقع من شفتهم ضيعت أنا كل منطــــوق = وسهامهم صابت جميع المــــواقع الأوله منهم لها جسم مرمـــــــــوق = وعيون سود ما خذت على المـدامع وخدود بيض تشبه الشمس بشـروق = وشفات حمر مثل ورد المــــــزارع والثانية منهم لها شعر منســــــوق = وكفوف بيض كنها النور ســـاطع والثالثة ما شافها كل مخلـــــــوق = الا وقع في الحب من غيـــر واقع والمشكله ماهي على عشق معشـوق = المشلكه ما فيه مخلوق ســـــامع قلبي عليهم صار ولهان وشفـــوق = وجسمي عقبهم طاح ما عاد نافع |
رد: (<$>)(<$>) يوم الخميس (<$>)(<$>)
تصدق شفتهم أمس بالراشد .. صح لسانك يابن عزيز .. ولاهنت .. ولكن خلك ثقيل .. والله يقاكـ .
|
رد: (<$>)(<$>) يوم الخميس (<$>)(<$>)
صح لسانك ياغرمان
وبيض الله وجهك |
رد: (<$>)(<$>) يوم الخميس (<$>)(<$>)
أبو سعيدالله ان عدت أخف من الورق الشفاف وترى اللي خف الجسم ماهو العقل الله يثبتنا وانتوا على طاعته والحريم هم سبب التحطيم وعفاك والله يقاك . ولكن بأسألك وأتمنى تجاوبني بصراحه يوم شفتهم في أسواق الراشد وش حصل لك بصراحه لا تقول إلاّ الصدق أنا أنتظر الجواب الشافي وأكيد بتقول يا كافي 0
الله يصح بدنك يا عدسة رجال الحجر والله يسلمك 0 |
رد: (<$>)(<$>) يوم الخميس (<$>)(<$>)
غرمان بن عزيز
يعطيك العافيه قصيده جميله وملفته لكن لي عليها تعليق ما ادري تتقبله مني اقوله والا بيضايقك النقد ؟ ماهو نقد ادبي بالتاكيد لاني لست شاعره |
رد: (<$>)(<$>) يوم الخميس (<$>)(<$>)
صح لسانك على هذا الشعر الطيب الله الله تعال جــــــــــــــــــــــــــــــــده وتشوف كيف يدفق عليك الهيض
|
رد: (<$>)(<$>) يوم الخميس (<$>)(<$>)
الأ
الأخت الغاليه والمراقبه القديره / ذات الشآن . أولاً أشكرك على التكرم بالمرور والإطلاع على ما كتبت وثانياً لولا النقد الهادف والنصائح من العقلاء والمثقفين ما كنت بهذا المستوى المرضي بالنسبة لي فيا أختي الكريمه أنا والحمدلله لا يمكن أن أغضب عندما يلاحظ أحداً عليه ملاحظه ويخبرني بها وينبهني لها ومهما كان ذكراً كان أو أنثى كبيراً كان أو صغيراً شاعراً كان أو غير شاعر ولكن يكون صادقاً محباً للخير لي وللجميع فما أسعدني حينها وسبق وأن قلت في قصيده منها البيت هذا :-:030104_emM7_prv: بيض الله وجه رجالٍ إذا لاحظ عليّه ::::::: كلمةٍ ما هي صحيحه دزّها لي في رساله :030305122908: الحبيب الغالي / أبو ظافر . ألف شكر لمرورك الكريم وعساك تسلم وجده إن شاء الله سوف أزورها وأصكها بديوان ولا ديوانين وخاصة على أبحر وعفاك 0:040104_emI3_prv: |
رد: (<$>)(<$>) يوم الخميس (<$>)(<$>)
ذات الشان إن كان ماخاب الظن ..!!
أتوقع إن قصدك في لا بسات براقع ومقارنه مع البيتين هذه وخدود بيض تشبه الشمس بشروقوشفات حمـر مثـل ورد المـزارع يعني إن الشعّار رعيان كذاب ههههههههههه وين شفتهم يا غرمان يوم تقول إنهم مبرقعين وعاد ذلحين رعيان خدود وشفايف حمر الله الله الله لي عوده تعليق بأعجل من العجل |
رد: (<$>)(<$>) يوم الخميس (<$>)(<$>)
بيض الله وجهك ياغرمان بن عزيز وانا بصراحه مثل ما قلت من اول ماني شاعره لكن احيانا تلفت نظري المفردات والعبارات ويجذبني الحس الجميل في القصيده ابياتك اخ غرمان شعريا ماعليها كلام ولست انا من يقيمها لكن انت قلت اقتباس:
لكن قلت اقتباس:
وبرضه قلت اقتباس:
اخ غرمان هي ملاحظات تقول كنها ملاحظات مباحث مو نقد شعري مجرد انه لفت نظري كيف انهم لابسات البراقع وهذا اللي اعجب الشاعر فيهم ومع ذلك وصف الخدود والشفايف والشعر ؟ تساؤل ماهو نقد ويعطيك العافيه وبانتظار جديدك دائما |
رد: (<$>)(<$>) يوم الخميس (<$>)(<$>)
الله الله والله إني ولو أنا قلت كذا ياذات الشان
الحس الشعر ي عندي طلعت خطير <<< بدخل منظمة تقيييم الشعراء صح لسانك يا غرمان وجمل الله حالك .. |
رد: (<$>)(<$>) يوم الخميس (<$>)(<$>)
بصراحه قصيده رووووعه
وبعدين نقدهم في مكانه اخوي غرمان وتقبل شكري وتقديري لك اخوك ومحبك العاااااااااااااااااقل |
رد: (<$>)(<$>) يوم الخميس (<$>)(<$>)
الثلاث اللي شفتهم أنا كانوا في الدور الثالث في الراشد .. جلسوا في كوفي شوب .. يعني كشفوا .. وتقهوا .. يعني حسن بن سعيد شاف خدودهم وشفاتهم .. مدري عنك يا بن عزيز .. صاركـ مثلي ؟؟
|
رد: (<$>)(<$>) يوم الخميس (<$>)(<$>)
سلامة قلبك ياغرمان:030305122908:
عادة القلوب الحنينه ترجف أصدق الود وصح لسانك مليون اخووك |
رد: (<$>)(<$>) يوم الخميس (<$>)(<$>)
غرمان بن عزيز
يعطيك العافيه قصيده جميله وملفته ولكن استقعدولك بعض الناس |
رد: (<$>)(<$>) يوم الخميس (<$>)(<$>)
لله درّك يا غرمان بن عزيز ..
القصيدة نظماً كلام كبير ولا أحسن ولا صار ولا أستوى .. قوة المعاني والتعبيرات هذي حسب المزاج .. يعني شئ ومو شئ :wink_5: كلام ذات الشان وتساؤلها في محله بس أعتقد أن الشعراء هكذا عندما يرون جزيئة يتخيلون الباقي بجمال السابقة ومن ثم لا تسلم من وصفهم .. وعشان كذا يقولون أعذب الشعر أكذبه :icq_offli عموماً هذا مجرد رأي مع أصحاب الرأي .. غرمان بن عزيز أنت شاعر برتبة قدير .. لك التقدير .. |
| الساعة الآن 08:33 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir