منتديات بني عمرو - لطلاب الثانوي والجامعات وقفة ما قبل الإختبارات

وشلون أذاكر ؟
من وين أبدأ ؟
كيف أنظـّم وقتي ؟
أنا متوهق !
خلاص أنا أبي أموووت

..
..
..
طـــــــلاب الـــثـــانـــوي

" الــتــنــظــيــم "
أول شي تسويه هو التنظيم ( التنظيم نصف النجاح ) ..
1 / تكتب كل المواد اللي تدرسهن بورقه ..
2 / ترتبهم حسب الأهمية ..
3 / تجمع كل شي يخص المادة مثل :
( الكتاب - الدفتر - أسئلة شهرية - أسئلة وزارة سابقة مع حلها ) ؛
علشان يكون كل شي متواجد عندك وأنت تذاكر ..
4 / يفضل أنك تعتمد على مرجع واحد بالمذاكرهـ ؛
يعني ماتجيب دفترين أو ملخصين أو أكثر وتذاكر منهن كلهن ؛
لأنك كذا راح تشتت نفسك بالمعلومات ..

" الــجــدول "
1 / حاول أنك تضبط لنفسك جدول من الأيام هذي ..
2 / تخلي مواد الحفظ بالبداية ..
3 / تحط وقت معين لكل مادة ..
وتقسم الوقت على عدد أبواب المادة ..
مثلا ً :
تذاكر باليوم 3 ساعات ..
ساعة بعد العصر , وساعتين بعد العـِشاء ..
وتحط باليوم هذا : 3 مواد , ولكل مادة ساعة ..
نقول المادة الأولى هي : ( الأحياء ) ..
خمس أبواب .. ولكل باب تعطيه من الوقت " ساعة " ..
يعني راح تخلص مادة الأحياء بخمس أيام ..
ونقول المادة الثانية هي : ( التوحيد ) ..
أربع أبواب .. ولكل باب تعطية من الوقت " ساعة " ..
يعني راح تخلص التوحيد بأربع أيام ..
ونقول المادة الثالثة هي : ( الـفِــقـْـه ) ..
أربع أبواب .. ولكل باب تعطية من الوقت " ساعة " ..
يعني راح تخلص الفـِـقــه بأربع أيام ..
وبكذا تسوي مع كل المواد ,,
(( وراح تلاحظ أنك ختمت أغلب المواد براحة وسهولة وبدون أي ضغط ))
4 / تحط في بالك أن الباب الأول له من الوقت " ساعة وحدة فقط " !
علشان تحس بقيمة الوقت , وتكون مرتب وقتك لكل شي ..

تـَـــذكـّــر
( كل مذاكرة تجلس عليها ساعة متواصله , لازم ترتاح بعدها من 10 دقايق الى ربع ساعة )
( لازم تريح نفسك وتاخذ فترة لعب أو حركة ؛ علشان تستعيد النشاط )
..
..
..

طـــــــلاب الــــجـــــامــــعــــة
طبعا ً بعد توفيق الله سبحانه وتعالى .. ماينجحك بدراستك غير مذاكرتك ومجهودك وتعبك ..
( ونقول للطلاب الدافير شدوا حيلكم , وواصلوا على ما أنتم عليه )

أما الطلاب اللي ما أمداهم ينتبهون مع الشرح ,
وما أمداهم يجيبون درجات زينة بالإختبارات الشهرية ,
نقولهم لا تفقدون الأمل ..!
يعني حاول تفهم من أخوياك أو من المذكرات المهمة ..
ولازم تخلط معها خلطة ثانية علشان تضمن أقل شي الـــ D+

طريقة الخلطة

الطريقة الزينة والحلوة والكويسه والسهله واللي تنجحك بنهاية الترم هي :
علاقتك مع الدكاترة والمدرسين ..!
علشان ما أحوسكم بالشرح , راح أمحط لكم مثال بسيط لتوضيح الفكرة ..

المثال :
فــهــد و طــارق
طلاب يدرسون بالترم الثالث ..

فهد : طالب شبه مجتهد , يحضر بكل المحاظرات , ولاكن يتأخر شوي مع بداية كل محاظرة !
طبعا ً مايوفر عدد المحاظرات المسموحة للطالب ويغيبها كلها ..
يجيب الواجبات المطلوبة عليه , ويمكن يسحب على واجب أو واجبين بالكثير ..
بالإختبار الشهري ماحل زين ؛ لأنه ماهو مستوعب المادة كلها ..
وبالإختبار النهائي جاب مجموع ( 50 / 100 ) ورسب بالمادة ..!

طارق : طالب شبه شبه مجتهد , أخذ رصيدهـ بالمحاظرات المسموح له بالغياب فيها وزاد عليهن بالغياب ,
وإذا كان حاضر المحاظرة تلقاهـ متأخر أول ربع ساعة منها ..
من بداية الترم ماجاب غير واجب واحد ..
بالإختبار الشهري ماحل زين ؛ لأنه مايدري وش المطلوب بأسئلة الإختبار !
وبالإختبار النهائي جاب مجموع ( 35 / 100 ) ونجح بالمادة ..!

* طارق كان مضبط العلاقة مع الدكاترة والمدرسين وخاصة الأجانب ( الغير سعوديين ) ..
كان يجيه للمكتب , ويجلس عندهـ ويسولف معاهـ ,
ويحاول يضبط العلاقة بينه وبين مدرس المادة من بداية الترم ..
ويخلي علاقته متواصلة مع مدرس المادة حتى خارج أسوار الجامعة ..!
ويحاول يقدم لهم الخدمات اللي يحتاجونها , حتى ولو ماطلبوا منه ذلك ..

يمكن فيه طلاب ينحرجون من الكلام مع الدكاترة ,,
نقولهم خلك واقعي .. أنت الحين بالجامعة كيف تنجح ؟
بطريقتين لا ثالث لهما :
الطريقة الأولى / تتوكل على الله وتشد حيلك بدراستك وأبشر بالــ A+ ..
الطريقة الثانية / وهي عند أغلب الطلاب ..
وهي أنك ماتضغط نفسك بالمذاكرة وبمتابعة المحاضرات أول بأول مع الدكتور ,
وتكثر من السحبات والغياب والتأخير لأي سبب كان ( عذر أو بدون عذر ) ..
وتجيب درجة مش كويسه بالشهري ..
وبالوضع هذا تكون خايف من :
( الحرمان - السقوط بالمادة - حقد المدرس عليك ؛ بسبب إهمالك بلا مبالاهـ )
ومالك إلا أنك تكون مضبط علاقتك مع مدرس المادة ؛
علشان ترتاح إذا لا قـدّر الله صار لك من الأشياء اللي ذكرناها ..
..
..
..

ونتمنى التوفيق والنجاح بأعلى الدرجات لجميع الطلاب اللي بالثانوي والجاماعات