منتديات بني عمرو - تكفى ترى تكفى تهز الرجاجيل//ولولا ضروف الوقت ما قلت تكفى

السلام عليكم ورحمة الله وبركاته

كيفكم ان شاء الله انكم بخير :S_32: ؟؟؟

اكيد اكثركم قد سمع هذا البيت واكيد انكم قد سمعتوها من شعار كثار وكل شاعر ينسبها لنفسه

بس من هو قائلها ، عاد انا احفظ من القصيده بيتين كان احد الاخوه دائمن يرددها عاد قلت ابي اعرف شاعرها الاصلي وقمت ابحث بالنت
ووجدته

اما شاعرها فهو / محمد بن رافع الدحيمي الشهري ويلقبوونه بـ (أخو تكفى)

صراحتاً انا بحثت اكثر عن الشاعر ولقيت له ديوان شعري وقريت قصيدته وقصائد اخرى له وصراحتاً انه شاعر متمكن وممتااز

وعجبتني قصيده اخرى له .

اما قصيدته فأكتبها لكم كامله ون شاء الله تحوز على رضاكم

اما لطمنا العيل والا الطم العيل ....... مادام شب النار مندوب الاطفا

من ذاق حر القايله يعشق الليل .......... ومن شب ضوه ليلة البرد يدفـا

امسيت في جيلٍ ولاهوب ذالجيل ......... واصبحت والا ديرتي شبه منفـا

واللي حما بيته بطيـرن ابابيـل ............ ماجيت ادور كل من صد واقفا

ولاجيت ابشحذ يانما دلّه وهيل ............ جيتك وجرح الظلم غاديه يشفا

جيتك بكلمه كنها صعقة الويل .............. ان قلت تكفا لاتهـاون بتكفـا

تكفا تراها كلمةٍ تقطم الحيـل .............. لابالله الا تنسف الحيـل نسفـا

تكفا ترا تكفا لها هدرة السيـل ............. في صدر حرٍ ينتف الطيب نتفـا

تكفا ترا تكفا لها تسّرج الخيـل .......... ان كان لك في مجمع الخيل عسفا

تكفا تراني من قرومٍ مشاكيـل ............ حماية الساقه بسيـفٍ وشلفـا

تكفا وتكفا ماتسـاق لمهابيـل ........... تكفا تخلّي القرم لاشٍ وهطفـا

تكفا ترى تكفا تهزّ الرجاجيـل ............ لولا ضروف الوقت ماقلت تكفا

اعذروني على الاطاله

أخووكم،،،