(<>)(<>) شكرأ ابا ريان (<>)(<>)
 

ألف شكر يا أبو ريان على السؤال وعساك تسلم وتدوم وكل عام وأنت بخير و أسمح لي بهذه الرزفه :-



الله يجازي حال هذا الزمان بخير
اللي يبين صحبة أهل السعه والضير
غبنا ولا أحد قال وش فيك يا غرمان
إلاّ الصديق الصادق الشهم أبو ريان
عساه يسلم من صلوف الزمان وضيره
وعسى عدوّه ما تحرّك قوايمه

رد: (<>)(<>) شكرأ ابا ريان (<>)(<>)
 

اشكرك على هذه الابيات الجميلة وتقبل مني هذا الردود وان كان القصيدة موجهة لبوريان لكن كلنا واحد

ياصاحبي لاتقرن لي اللي قدم باخير
لاتحسب ان الشهد يشبه سمن ومضير
والله ماني لك معادي ولا غرمان
والعود الاخضر من ميات النهل ريان
ان غبت والا جيت كلا يريد انظيره
ماقامت الساعه علينا قوايمه

رد: (<>)(<>) شكرأ ابا ريان (<>)(<>)
 

يا مرحبا والطارف يسد والبركه في أبو ريان ولا عليك زود


المحترم له عندنا واجب التقدير
واللي يخالفنا عليه العذاب يصير
يقولها اللي يثبت العلم بالبرهان
ولا أترجى من بعيد النسب غفران
الله سبحانه طلبته ولا أطلب غيره
يبقي على أهل الدار كامل نعايمه

رد: (<>)(<>) شكرأ ابا ريان (<>)(<>)
 

الحمد لله على السلامه

رد: (<>)(<>) شكرأ ابا ريان (<>)(<>)
 

رد: (<>)(<>) شكرأ ابا ريان (<>)(<>)
 

صح لسانك ياغرمان

أبو ريان من الأصدقاء الأوفياء مع الجميع
ويستاهل قصيدتك ...

والحمد لله على السلامة .

رد: (<>)(<>) شكرأ ابا ريان (<>)(<>)
 

الله يسلمك جميعآ ويعطيكم العافية وما عليكم زود

وتفضل الردود لا هنت


المعرفه بيني وبينك لها تقدير

فلا يدل الدرب غير الذي بصير

لاتحسب ان الدخن متروك والبُر هان

مادام الامطار الغزيرة لها غفران

حنا السعوديين واهل الشرف والغيره

مثيل بحرا فوقه الجن عايمه

رد: (<>)(<>) شكرأ ابا ريان (<>)(<>)
 

رد: (<>)(<>) شكرأ ابا ريان (<>)(<>)
 

هلابك اخوي غرمان مرة اخرى وصح لسانك واستلم الردود لاهنت


الموت من بعده يجي الغبن والتعبير

في الناس راعي عطر صافي ونافخ كير

غرمان ياغرمان ياشاعر القيفان

احذر يغرك وقتنا اللي مضى لو زان

حنا من اول قد حمينا حدود الديرة

والسيف الاملح ساطيات(ن) هلايمه

رد: (<>)(<>) شكرأ ابا ريان (<>)(<>)
 

الله يسلم نباك وأستلم البدع


الموت ما يرحم كبير ولا صغير
والعطر من عطارنا يكره التبذير
والحمد لله ما بعد صابني نقصان
أداري الأيام وأداري العربان
وأبحث عن اللي قالوا أنه حسين السيره
وإن جارت الدنيا قويه عزايمه

رد: (<>)(<>) شكرأ ابا ريان (<>)(<>)
 

هلابك اخوي ابن عزيز

واستلم الردود لاهنت والمعذرة على التاخير


لا توصي الزارع على الغرس وص غير

يكلف على زرعه ويجهز لها التبذير

وعلى علوم الجد متماسك وصان

ووسط قلبه كانز الطيب والعربان

ربا على فعل المكارم وواصل سيرة

والناس توصلة وتلبي عزايـــــــــــــمة

رد: (<>)(<>) شكرأ ابا ريان (<>)(<>)
 

الله يسلمك يا خوي فيصل وأستلم وأطلب المعذره على القصور :-



بعض النشاما هقوته مثل قاع البير
والبعض الآخر هقوته مثل عش الطير
متعاليه لكن ما جاء لها عنوان
ولا حسبها لا سليمٍ ولا تعبان
والشعر نسعى كل يومٍ على تطويره
وأنا وفيصل في يدينا قسائمه

رد: (<>)(<>) شكرأ ابا ريان (<>)(<>)
 

صح لسانك واستلم الرد لاهنت

سلمت ياشاعر كما المسك والعبير

يرمي ورمياتة بصدر العدى تطير

واهل الكرم والجود يبدي لها عنوان

ولا تلحقهم مذلة ولاتعبــــــــــان

واللي رمى رمية خطا مابدا تطويرة

مثيل من هو ياكل القمة سائمة

رد: (<>)(<>) شكرأ ابا ريان (<>)(<>)
 

عساك سالم وغانم وأستلم :-


الهادم أكثر يا أبن الأجواد من التعمير
والقلب ما تضمد جراحه مع التخدير
ان كنت فاهمني فقل يالخوي فهمان
وان كان ما وصلك خبر فأسأل الجيران
أسأل عن اللي واضح بيننا تعبيره
له عدة أسماء وأثبتتها جرائمه

رد: (<>)(<>) شكرأ ابا ريان (<>)(<>)
 

صح لسانك اخوي وتسلم

واستلم الرد لاهنت

عجل لنا بالكيف ياصاحب التعمير
مالك ومال الهم والورد والتصدير
من جاء يخوفنا فقل له خويفه مان
سمحان شال الحمل يوم الحمل جيران
من لا اعتبر من عيشته وش ترى تعبيره
عشر عدد مجروم واعرف جرايمه