دمعة ملك ما هي دموع التماسيـح=دمعه من اعماق المشاعـر نثرهـا
دمعة ملك تبـرا قلـوب المجاريـح=ومن الحيا يمسـح بيدينـه أثرهـا
دمعه تزيح هموم لا يمكـن تزيـح=تروي ظمـا طفلـه وتبعـد كدرهـا
طفله حضنها عطفه وقلب ٍ صْحيـح=يسأل عليهـا ليـن باحـت قهرهـا
وتقول ابويه مـات بيـد المكاليـح=عقبه يتيمه .. ابو متعـب ذخرهـا
هـذاك عبـدالله بعيـد المطامـيـح=لأجله نصوغ امن المعانـي دررهـا
رجحان عقله نافـل ٍ كـل ترجيـح=ولْكلمـة التوحيـد روحـه نذرهـا
ذخر الوطن يسوى قروم وزحازيـح=لأجله ولأجل الشعب عينه سهرهـا
قلبه به الايمـان لا يمكـن يطيـح=قلب ٍ وسع كـل البـلاد وعمرهـا
كريم سبلى ضـاري بهبّـة الريـح=مدّات جـوده مـا يوقّـف مطرهـا
من جاه ضايق راح فرحان ومْريـح=وكم كربة ٍ بأمره تكاشف ضررهـا
لاْرهاب عقبه يلطم الخـد ويصيـح=احزاب شتّتهـا والاخـرى دحرهـا
اسمه علا فوق السحاب المراويـح=نسل الكرام اللـي ينومـس خبرهـا
آل السعود اللي غـدوا كالمصابيـح=اشبارهم مـا كـل شيـخ ٍ شبرهـا
ملوك ٍ تسلسل من ملـوك ٍ مفاليـح=والدار تشهد بدوهـا مَـعْ حضرهـا
رقوا سنام المجد من دون تصريـح=وامجادهم ما بـه كتـاب ٍ سبرهـا
اهـل الثنـا يستاهلـون التماديـح=بالطيب والمعـروف كلّـن ذكرهـا
غصب ٍ على الارهاب يبقى الطحاطيح=ولاْحزاب لو تكبـر فربّـك دمرهـا
هذي مشاعر ما تبـي زود توضيـح=من شاعر ٍ صاغ البيوت وصخرهـا

المشاركة الأصلية كتبت بواسطة ولدصالح دمعة ملك ماهي دموع التماسيح صح لسان قايلها وناقلها . وعاش ابو متعب حبيب الشعب

المشاركة الأصلية كتبت بواسطة عذاب السنين صح لسان قائلها وسلم ناقلها ماعليها كلام سيف العرب نقلت واجدت النقل بارك الله فيك وفي الشاعر لكم الاحترام

المشاركة الأصلية كتبت بواسطة أميرة دمعة ملك ما هي دمـوع التماسيـح دمعه من اعماق المشاعـر نثرهـا صح لسان قايلها تسلم سيف العرب على النقل دمت بالف خير

المشاركة الأصلية كتبت بواسطة صبي أل صدريد صح لسان قايلها وسلمت يد من كتبها في المنتدى..