انـا طـالـبـك يا ربـنا الـخـير والتوفـــــــــيق = ويـســّر لي الـرحـلـه إذا طـابـت الـنـــــيه
فأنا ناوي ارحل رحلةٍ مع فكوك الـــــــريق = وهي رحـلـةٍ حلوه واكيد إضـطـــــــراريه
على موتر يعجبك صوته مع التعشــــــــيق = واذا ما اســـتوى خطه تقول فيه جـنــــيه
تَقَرَّبَ مســـــافاته ولا يقبل الـتـشــــــــريق = يـطول الجبال وفي الـوحل مـا الـتقي زيه
ولا جاء في الدّعســـه تخّله ولا تعلـــــــيق = ولا يـصـرف الـبـنـزيـن مثل الـمـريـكـــيه
تباها به اليابان في ســــاحة الـتـســــــويق = قـويّ الحـديد ومـركبٍ فـيــه شــخـصـــيه
صـنـاعـه حقيقيه ولا جـاء بهـا تـلـفــــــيق = وختم الصــناعه الفـاخـره فـيـه مـــــاريه
شريته من اللي صادقٍ والخبر تصــــــديق = وفي نـيـتي حـاجـات مـاهي بـمـنـســــــيه
ازور الذي في بعدهم يا عرب ما أطــــــيق = انا ســاكن الوســطى وهم في الـجـنوبـيه
وحلّق بي الهاجوس في وضعهم تحلــــيق = ونـومي طـوال الـلـيـل مـا طـبّ عـيــنـــيّه
اخاف ان هذا الوقت يطري عليهم ضـــيق = ويـسـري عـلـيـهـم بـرد ريـح الـشـمـالـيه
وانا في رضى الله ثم رضاهم بلا تفــــريق = نـزل في كـتـابـه امـر وفـروق فـــــــرديه
وللـوالـديـن حـقـوق لازم لـهـا تـطـبـــــيق = ويـا حـظ مـن هـو طـبق حـقوق فـعـلـــيه
وفي الختم صلوا على النبي ياهل التوثيق = عـداد الـنـجـوم وعـد بـادي الـهـــلالـــــيه

(((( رحــلــة إضــطــراريــــة ))))

وللوالديـن حقـوق لازم لهـا تطبيـق=ويا حظ من هو طبـق حقـوق فعليـه
وفي الختم صلوا على النبي ياهل التوثيق=عـداد النجـوم وعـد بـادي الهلاليـه