على ذاك الجدار الي على حــــد البيوت الطين =وقفت وهاجس الذكرى نفض في قلبي غباره
وقفت اطلق مدى شوفي واناظر مفرق الدربين =اشوف الـــدار وعيوني تضم الـــدرب وجداره
اجــل هذا الجدار الــي سهر يــوم العرب غافين =اجــــل هذا الصديق الي ذكرته واذكر اسراره
انــا اذكــر يــــــوم يجمعنا يغطينا برمش العين =نسج لـيـله وسوى بـــه على عشاقه استاره
حجر لكن احس انـــه يـــحـــس بفرحة القـلبيين =احس انـــه نفس لكن غدى جامد مـــن اقداره
حجر يــوم العرب تنسا اذا مــــرت عليها سنين =حجر يـــوم العرب تنسى حبيب مـبـعـده داره
ولكن الجدار الي تــركته مــن هــذاك الـلحين =عرفني يوم قابلته وبــلــل دمعــي حــجــاره
جلست وهاجت الذكرى وقلت بخاطري مسكين =ثـــمــان سنين في وحــشـه ولحد بيننا زاره
وفـ ذاك المكان اثبت بأن الادمي مــن طــيــن =تــخــيــل يـــــوم لا مسته تنهد من شقا ناره
سألني وقال انا اذكركم تجوني بالظلام اثنين = بكيت وقلت صدقني رحـل وانقطعت اخباره