على درب الفراق أسير فيني=أسير وخطوتي تمشي ثقيله
اصبّر خاطري واحبس حنيني=أقول أيــــــــــــام وتعدي قليله
يعزّ عليّ أفارق من يبيني=ودمع العين يذبحني هميله
وأنا ما اخترت أخضّبها يديني =بدمع اللي عليّ أقبل عويله
ذكرت الله على فزعة جنيني=مسحت الدمع وعيونه ذهيله
أحاول ابتعد لأجله ضنيني= وحضني ما رضا يخلي سبيله
ومن نظره عرفها وسط عيني=سألني للقاء موعد وأجيله؟!
ويترجى على صدري خذيني=خذيني وارحمي نفسٍ هزيله
وتمسح من على راسه يميني=وتشكي مهجتي دربٍ طويله
يقبّلني على مقدم جبيني =على كفي .. ويحلف كل ليله
ما أنام إلا على صوتك يجيني= وينشد لي أناشيد ٍ جميله
دخيلك دايم إن رحتي اذكريني=وترى دونك حياتي مستحيله
وأنا أعرف من عيونك ترحميني=وقلبك من عناه أشعل فتيله
خنقني الصمت وأتعبني ونيني= وطبع البعد والفرقا ذليله
رحلت وقلت للذكرى اجمعيني= ترى روحي من الفرقا قتيله
أودّع من لأجل عينه سنيني=زرعت بأرضها الورد وخميله

المشاركة الأصلية كتبت بواسطة ضي العيون ماشاء الله عليك مبدعه ياحنان ننتظر جديدك وصح لسانك تقبلي مروري ضي العيوون

...

ضي العيون

هلا وغلا يالطيبه بتواجدك

والف شكر لكرم مرورك

دمتِ وافيه

المشاركة الأصلية كتبت بواسطة العقـــــد صح الله لسانك شاعرة مبدعة بمعنى الكلمة تقبلي فائق الاحترام

العقد

صح بدنك يالطيب

وشكرا بحجم وفائك لحضورك ومتابعتك


دمت في سعاده