جتني الليالي بالبلايا يحومون = حوم الذياب الذياب على غزال-ن- نحيلة
جار الزمان علي بالمر والشين= همي الخلايق كلها ما تشيلة
يا ربعنا يا اللي علينا تلومون = وش حيلة المشتاق ودّع خليلة
عز الله إني بعدهم صرت محزون = والنفس من فرقى الحبايب عليلة
لية الحبايب عن وصالي يصدون= من عقب عشرتنا ليالن طويلة
عزاه يا قلبن من الحب مضنون = تغدر به الأيام وتهد حيلة
من لوعة الفرقى عيوني يصبون= دمعن على الخدين سيل-ن- مسيلة
لا بد من يوم-ن- حبايبك يقفون = أغنم نهار العمر من قبل ليلة
ولا ني بناسيهم ولا هم بينسون = ما دامت الدنيا علينا بخيلة
تفرح لك الدنيا ليال-ن- يمرون= وإن شانت الإيام مرت ثقيلة

سعيد بن عبدالله يعطيك العافية ولا أرووووع..