جاني الخبر يا صاحبي وأظلم الكون = قدام عـيني ثم نطقت الشهاده
عـلى العـموم أقولها ألفين مليون = مبروك من قلب شكالك ابعـاده
مبروك ولا يهمك سواليف وظنون = من عـاشق يهديك فرحة فؤاده
سو الفرح اليوم واٍبليس ملعـون = واٍللي يشب النار يجني رماده
أنا أول العـالم عـلى الصاله يلفون = وأول معـازيم الفرح والحداده
أبشر أبرقص عـلى العـرس بالهون = وكلن يعـبر فرحته بجتهاده
لو البلا برقصي يقولون مزيون = المشكله بلقبن راح يفضح وداده
يوم العـذارى في دخولك يغـنون = وعـروستك بأحلى ثواني السعـاده
كنت أتمنى بدالها والله أكون = وأحط أنا كفي تحت راسك وساده
وشلون أبكتم صرختي يوم تمشون = تكفى خذني للعـروسه قلاده
حتى معـازيم الفرح قاموا يمشون = وأصبحت أنا وحدي بدون استفاده
وطفوا علي النور من غـير يدرون = قصر الفرح يا قبر ( منيره ) ومهاده
وصيتي لو جاك بنت وأنا عـليك أمون = تكفي سمها ( منيره ) قبل الولاده

المشاركة الأصلية كتبت بواسطة حسن بن عويش منقول رائع يا بسمه هذا القصيده كأني سمعتها من قبل ... والأسم ليس عليّ بغريب!! فالحقيقة مؤلمة الفكرة .. والأبيات .. والمعنى؟؟ هذه الحياة واحد يتهنى ؟؟ والثاني يتمنى ؟؟ شكراً لنقل القصيده .. وشكر للتنسيق الجميل .. وشكراً لك أنت ابو أحمد

المشاركة الأصلية كتبت بواسطة ابونواف أولاً وقبل كل شئ كل عام وأنتي بالف خير. كلمات هذه القصيدة معبره ورائعة من الروائع ما أجمل ابياتها لما تحمله من صدق المشاعر ومن الطيب والوفاء النادر والاخلاص على الرغم من المعاناة والحزن الكامن في كلماتها... اشكرك بسمة بني عمرو على هذا الاختيار الرائع.. تقبلي خالص الود وفائق الاحترام..

المشاركة الأصلية كتبت بواسطة سيــف العرب @بسمــــــــــه@ الله يعطيك العافيــــه إخـتيـآر موفق ونقل رائــــع وقصيــــدة معبره في انتظار جديد مشاركاتك تقبلي أطيب التحايـــا

هل تحمل هذه المرأة قلب أنثى ؟!!
اني اتعجب والله من قوتها في هذه الابيات وتمنياتها !!!
لكن اتوقع ان هذه المرأة ازدحمت او تشابكتك في لحظتها لغات الاشواق والكراهيه ..
ويمتلىء قلبها بما يسمى العشق الاسود ..
ربما تريد ان تقول ..
لا درع يحميني من الانكسار امامك والآخرين ، غير حروفي وشعري ..
أخطها بحقد مخلص لك ايها الزوج ..
فأنا انحدر من جنس النساء ..
التي ما زالت تحب من الرأس الى اخمص القدمين ..
وتكره من القاع الى اعالي السماء ..
وتذبح من وسط الاعناق .

شكراً لمنقولكِ سيدتي بسمــــــه
وتحياااااااااتي