العيد شرّف والحبايب سعيدين = وانا حزين(ن) من سبايب قطاعتْك
ليش الجفا ياسيد كل المزايين= ليش القطاعه والقساوه هوايتْك
عايش انا بين الأماني ومابين=مابين ذكرى همس صوتك وصورتْك
اصدرت من صدك وهجرك دواوين=كل القصايد تشتكي من همالتْك
جبت الغزل والوصف ياقرّة العين=من ساس رجلك لين راسك وهامتْك
حتى الرثى اصبح لشعري عناوين = ولافادت اغراض الشعر في قناعتْك
كل البشر بين الأهل والمحبين=وانا على رجوى وصالك وجيّتْك
ليتك بجنبي في ضحى العيد يازين = وابوس انا خدّك وأفرح بضمّتْك