|
()()()() اليوم الوطني ()()()()
يـوم الـوطن يوم نحبّه ونغـليه = يـومٍ يذكّرنا بخير الرجاجيل عبدالعزيز اللي رفيعه معـانـيه = يسعى لنشـر الدين بالفعل والقـيل عبدالعزيز وكلنا نـفـتخر فـيه = وحّد شتات المملكه وأصلح الميل من بعد ما كانت تعيش المشاريه = قـتلٍ وجهل وفـوقـهـا قوة الحيل ما كان به أمنٍ ولا سمع طاريه = ناسٍ تعيش الخوف ما ترقد الليل راعي المواشي كان يفقد مواشيه = نهبٍ وسـلب ويا حياة الـبهاذيل والـيوم بعد الله حمدنا مساعيه = صقـر الجـزيره فوق كل الأقاويل من دون ما أذكر كل فعلٍ وداعيه = يشهد له التاريخ جيلٍ ورى جيل وأولاده الحكام وفّوا أمانيه = وشالوا هموم الشعب والمملكه شـيل والدين دين الله وفي حفظ وآلـيه = واللي يعادي الدين يلقى له الويل والدين نصر المؤمن على معاديه = نصرٍ من الله والزمن فـيه تـأويل تم التعديل من قبلي / اخوك حسن بن عويش |
رد: ()()()() اليوم الوطني ()()()()
صح لسانك يا بو محمد
واليوم الوطني ذكرى جميله لما سطره البطل عبدالعزيز رحمه الله لتوحيد المملك ولم شملها وتالف قبائلها0 تقبل خالص الموده اخوك ابو عبدالله |
رد: ()()()() اليوم الوطني ()()()()
الله لا يهينك يا أبو عبدالله على هذا المرور الكريم وعساك تسلم ونسأل الله ان يحفظ الدين ويحفظ لنا حكامنا آل سعود ويحفظ هذا البلد وكل عام وأنت بخير وأسأل الله ان يبلغك رمضان هذا العام وكل عام 0
|
رد: ()()()() اليوم الوطني ()()()()
اقتباس:
.............. غرمان بن عزيز صح الله لساانك مدد يالطيب ماقصرت بارك الله فيك شكراا لوفائك ودمت بسعاده |
رد: ()()()() اليوم الوطني ()()()()
حضور قوي ودائم للشاعر غرمان بن عزيز ..
أبدعت يا أبو محمد فلك الشكر .. الوطن يستحق منا الكثير .. صح لسانك ودام إبداعك .. |
رد: ()()()() اليوم الوطني ()()()()
الأخ الغالي / أبو أحمد . شكراً لك على التعديل وعلى أخلاقك الفاضله 0 سلمت ودمت وتقبل تحياتي 0
الأخت الغاليه والشاعرة الجميله / حنان آل فاضل . سعادتي لا توصف عند مرورك على قصائدي ويشرفني هذا المرور فشكراً لك على هذا ودمتي بخير 0 الأخ الغالي / أبو ريان . الله يسلمك وشكراً لك على الكلام الجميل يا جميل ولا تنسى تشتري الديوان من مكتبة بني عمر لا يحضرون 0 أنت سمعت ولاّ لا 0 تحاتي وأشواقي 0 |
رد: ()()()() اليوم الوطني ()()()()
يوم الوطن يـوم نحبّـه ونغليـه==يـومٍ يذكّرنـا بخيـر الرجاجيـل
صح لسانك بوعزيز وكل عام والوطن بالف خير الساهر |
رد: ()()()() اليوم الوطني ()()()()
الأخ العزيز / سيف الساهر . الله يسلمك ويعطيك العافيه على هذا المرور وكل عام وأنت طيب وبخير 0
|
رد: ()()()() اليوم الوطني ()()()()
هلا وغلا /غرمان بن عزيز
صح لسانك مليون وعاش من شافك والله تبقى كلمات الوطن بأشجانها رائعه دوماً رعاااك الله ولك مودتي اخوووك |
رد: ()()()() اليوم الوطني ()()()()
الأخ العزيز / المسكت . الله يسلمك وكل عام وأنت طيب وأنا موجود لكن يمكن المشاركات قليله ولكن أبشر بالسعد وشكراً لك على المرور وتقبل مني تحية طيبة 0
|
مشاركة: ()()()() اليوم الوطني ()()()()
ولواخي غرمان 000 يسلم هالابداع الدائم والحضور الممميز والوطنيه الصادقه 00 منك تعلمنا الكثير وكسبنا كل خيــــر اشكر تواجدك وابداعاتك اخوك الساااااااارى |
رد: ()()()() اليوم الوطني ()()()()
الأخ الغالي والشاعر المميز / الساري . شكراً على مرورك الغالي يا غالي وعساك تسلم وكل عام وأنت بخير 0
|
| الساعة الآن 08:04 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir