قبل ما تعتذر ارجع بفكرك ورى = وتعرف اشلون لجلك ضاع كل العمر
كيف تنسى إن عيني قد نسيها الكرى = وأنت عمرك حبيبي ما عرفت السهر
وكيف تنسى جروحي وأنت عينك ترى = تفتكر دم قلبي راح يمشي هدر
وش جنى قلبن اختارك وهو مادرى = إن تالي غرامك طعنةٍ بالظهر
وطيفك اللي بعقلي كل ليل سرى = يزعل الشمس ويجلّس بدلها قمر
وأنت تدري إن غيرك ماعلّيه طرى = اشتريتك وبعت برخص كل البشر
ودمعي اللي حفر بالخد وأروى الثرى = كل ما طرّوا اسمك سال مثل المطر
ودّي أعرّفك بس ببعض ما جرى = ياترى لو مكاني كان تقبل عذر ؟!