قالو تعلمت ..قلـت عنـاد وفراسـه =أجاهد النفـس والدنيـا وأصارعهـا
ودرست في مدرسة من شيبت = رأسـه دنيا العنا اللـي قضيفـات مطامعهـا
تلميذهـا دايـم تكتـب بقرطـاسـه= تعطيه جملـة دروس مـا يضيعهـا
والله أعطانا نظر وشعـور حساسـه= نأخذ علوم المعرفـة مـن مراجعهـا
ونسايـر الوقـت ونقيسـه بمقياسـه= ونواجـه النفـس بالواقـع ونقنعهـا
وترى حياة الفتى مهما قـوى باسـه = محفوفـة بالخطـر والمـوت تابعهـا
من مبتدءا العمر حتى يلفـظ أنفاسـه= يمـر فـي مرحلـه تكثـر زوابعهـا
أول حياة الفتى مشـوار ..وعساسـه= مسافة فـي عجـاج العمـر يقطعهـا
وثاني حياة الفتـى تدريـب ودراسـه= تصعب ظروف الحياة وينشغل معهـا
وثالث حياة الفتى يرجع علـى ساسـه= النقطـة اللـي بـدا منهـا يراجعهـا
ياصل لسن الهرم ويضيـع ألطاسـه= ويزحف مع الأرض ويخطط شوارعها
وليا تلاقت متونـه وارتخـى رأسـه = ضاعت جميع العلـوم اللـي يجمعهـا

وترى حياة الفتى مهما قـوى باسـه=محفوفـة بالخطـر والمـوت تابعهـا
من مبتدءا العمر حتى يلفـظ أنفاسـه=يمـر فـي مرحلـه تكثـر زوابعهـا

المشاركة الأصلية كتبت بواسطة صالح آل سلمان وترى حياة الفتى مهما قـوى باسـه=محفوفـة بالخطـر والمـوت تابعهـا من مبتدءا العمر حتى يلفـظ أنفاسـه=يمـر فـي مرحلـه تكثـر زوابعهـا صح لسانك اخي فيصل على هذه القصيده الجميله والعمبره تقبل خالص الموده ابو عبدالله

المشاركة الأصلية كتبت بواسطة سيــف العرب ارررحـــب يا فيصل المالكي يا هــ وغلا ــلا صح الله لساانك مليوووون ولا يكفووون والله يعطيك العافيه يا غالي قصيــــــدة رائــعـــه تجعلنا نترقب جديدك العذب تقبل أطيب التحايـــــــــــــا