بديت باسم اللي رفيع مقامــــه = الواحد المعبود رب العبـــــادي
اللي خلق عبده وكــوّن عظامــه= وأهداه للطاعه وهو خير هادي
أرسل رسول فيه نبل وشهامـه = جاهد وقام الليل وأرسى المبادي
قال الحذر من هول يوم القيامه = يوم(ن) تجد ماقدمته الأ يـــادي
الواجب انا مانخالف كلامــه = ولا نطيع أهل الجـدل والعنـــــادي
ياربعنا يأهل الشرف والكرامه = بعض السوالف مثل قدح الزنادي
المحترم لابــــد يلقى احترامه= وراعي الخطأ كل(ن) لمثله يعادي
حنّا رجال وكل اسمه لزامه = مافيه فرق بين حضر وبوادي
أقولها والحّـــر مرفوع هامه = ماينحني مهما يطول التمادي

السارى

قصيدة قويــــــــــه .......
وكل بيت يحسب بقصيدة
صح الله لساااااااانك مليون يا غالي
والله يعطيك العافيه
تقبل أطيب التحايــــــا