يا حسرتي ما عاد في الناس شـــيمه = الوقت غيّـرنـا ولا عـاد يــنــــطـــــاق
ويا ويل من صارالدهر هو خـصـيـــمه = يســـــقيه من ســـم الحيـايـا بــالاذواق
ويـا حـظّ من يـلـقى رجـالٍ فـهـــيمه = تعرف على ما قيل مضمون الآفــاق
وانـا لـفـاني يا جماعه شـــــــــــــتــّيـمه = لكن صـدري نحمد الله ما ضـــــــاق
واللي شتمني قال ماني غــــريـــــــــــمه = ما يدري أني كاشـــــــفٍ كل الأوراق
نيته يا أهل الخير ما هي ســــــــــــليمه = له ضحكةٍ تفسيرها خُبث الأعـماق
يبغى يجيني الضـيم والله يـضـيـــــــمه= والله يـــلــعـن كل خـــــائـن وبـــــــــواق
وعســاه يـلقى في حياته هــــــزيـــمه = وعسى الذي مثله الى النار ينســـاق
في خـاطـره يـنـقـل قضايا قـديـــــــــمه = طبـعـه حـقـود ولا تحلى بـالأخـلاق
قبل أمس بيته خيمة حول خيــمه= يسـكن مع البدوان راعي وسواق
والـيــوم يــوم الله غـمـره بـنـعـيــــــــمه = صـارت حياتـه كلها غـش ونـفــاق
وهذي عوايد شخص طبعه صتيمه = والخبـل مـا يـوفي مـع النـاس مـيـثـــاق
ما له مع العُربان صيتٍ وقـيـــــمه = والموت فاله هو وقطـّاعة الـســـــــاق

القطر ما ينزل مع كل غيمة = ما كل ما تعرف له الود ينساق
وإن كنت يا غرمان زينك شيمة = ترى كثير الناس ما عنده أخلاق