معلمه ( اسم ) وخذاني الزمن جور = جار الزمان وقدر الله عليه
مريضه والمرضان في الدين معذور = لباسي العفه والأجساد حيه
وقلب الحيا في البنت رايه ودستور = والصبر عالدنيا والايمان فيه
الله رزقني زوج عادي ومستور = له طفلتين أهديتهم له هديه
لكن عيال ابليس قاموا على النور = أطفوا شعاعه واحرموا البيت ضيه
ومات أبويه وعمّر الحزن بقصور = في داخلي حزن وهموم وأسيه
بقيت عالحال الردي وقت وشهور = عيني على أخواني من أمي وابويه
أخواني ماحسوا بنا ولابه شعور = وحنا الرعيه .. من تولى الرعيه
الين طحت وفقت بيدين دكتور = والحال محرج والمرض معضليه
الدم في الشريان نادر ومحصور = والقلب نبضاته ضعيف وقويه
تعطل الشريان غصبٍ ومجبور = روحي بلا ( محرم) دواها عصيه
اللي بلاه الله بالايمان منصور = والمبتلى مؤمن .. وهذي بليه
عيني على اطفالي كما الورد وزهور = منهو لهن بعدي ظلالٍ وفيه
سلام لك ياقبر أبويه على الفور = في مرقدك مني تجيك التحيه
من (مت) يابويه و(مسجدك) مهجور =و الناس لاصلت ولافيه ميه
والراتب اللي كل شهرين .. بالدور = النقل .. وسيارة ولدك .. وبنيه
والقلب عيا لي علاجه .. ومكسور = والرجوى لله الرجاء والشكيه
ياجعل ذاك القبر جنه الى الحور = يسقى من الكوثر ويشرب هنيه
معلمه ( اسم ) وخذاني الزمن جور = ( متعاقده ) مافكر الوقت فيه

صح الله لسانك
ماقصرت
وفي الحقيقه يعانون المعلمات لكن الله في عونهن

لاتحرمنا من جديدك
فالك الطيب