الــبــدع مــــن الـشـاعــر عــــوض بـــــن سـعــيــد العمري ( ابو طــــارق)

علمونـي وش هـو اللـي قاعـد يحـدث بسـوق الـمـال
راح مـال الشعـب كلـه واقلقـت راحاتنـا ذا الاسـهـم
راح في لعبه تسمـى سـوق الاسهـم واكلهـا الهامـور
والله انــه مــن ثقتـنـا فــي بلـدنـا والمـلـك والـدولــه
نصفنـا طلـع قـروض وبعضنـا قـد بـاع حتـى الــدار
والنساء بعنـا الذهـب ذا كـان مكنـوز لوقـت الحاجـه
كلـهـا لـجـل انتخـلـص مــن الفـقـر يالعـنـبـو الـفـقـر
والعشـم فـي مثـل بـو متـعـب عـسـى ربــي يسلـمـه
امـا نضـم سوقنـا يصبـح مثيـل اسـواق باقـي العـالـم
والا قــفـــل سـوقــنــا والاســهـــم الله لا يـعـيــدهــا

الــــرد مـــــن الـشــاعــر ضــيـــف الله الـعــمــري

انت يا راعي الحلال اقرب من الموسم وسوق المال
لا تسـوي مثـل نــاس تـاجـروا ثــم اعلـنـوا فليسـهـم
التـجـاره فــي مواسمـهـا لـهـا تكتـيـك ولـهـا امـــور
راعي المنصب وراعي المال كل اهـل البلـد ودولـه
حتـى لـو يبغـى يهـز اكـبـر جـبـل ينـهـز حـتـى ادار
الدراهم تفتح اكبر قصر واقـوى بـاب وقـت الحاجـه
الف من الاصحاب يتهرب من المضمون والـف قـر
لـيــت مـــن عـنــده رصـيــد غـايــب عـنــا يسـلـمـه
ياعوض من طبعنـا مـا نحسـب الجاهـل مثيـل العالـم
نـــاس مـــا تـفــرح اذا جـــاء عـيـدنـا الله لايعـيـدهـا