أعوذ بالله من بعض الرجاجيل=اللي معه الف شور والف نيـة
مرة يقابلك فـي ودْ وتباجيـل=ومرة يقابلك باخلاق ٍ عصيـة
مرة يسوق الغلا لك في فناجيل=ومرة يقدم لـك الشينـة هديـة
احيان يقبل عليك بدون تأجيـل=واحيان نيته في قربـك رديـة
هاذاك ماله على قلبي مداخيـل=لا هوب مني ولا يحكـم عليّـه
ما أدّور إلا رجال ما لها ميـل=لاختار كلٍ بـذا الدينـا خويّـه
الطيب فيهم خُلُق ما هوب تمثيل=قلوبهم دايمـاً بالطيـب حيـة
لهم وجيهٍ مثل ضـي القناديـل=لاغابوا يثور كل الشـوق فيّـه

راجي الوصل
هـــــ وغلا ــــــــلا
صح الله لساانك مليووووون يا غالي
قصيـــدة طيبة من وجــهٍ طيب
الله يعطيك الف عافيـــه
في إنتظار جديدكـ يا غالي
تقبل أطيب التحايــــــــــــــــا