يـا محمد اسـمـع عـلمنا في القصيــده= واسـمع كـلام اهل الـعـقول الرشيــده
عـلـيـك بأهـل الـدين واهل العقيـــــــده=
وابـعـد عـن اهـل المشكله والـنمـيمه = اللي يـعـيـبـون القلوب الـســلـيـــــمه
احـوالـهـم بين الخـلائـق دمــيـــــــمه=
والوالـدين لهـم حـقـوق كـثـيــــــــــره =لازم تـراعـيـهـا مع كل ســـيــــــــــره
ولا تقول مـا عـاد في الامـر خــيــــره =
والجـار له واجـب لـزوم تـــــــــــؤديه= ولاتـبـلـشـه في كـل وقـت وتــــــــأذيه
وان كان له مطـلـب ويبغـاك تـعـطــيه =
وعليك بأهل الجود واهل الكرامــــات =فيهم صفات الخير تبدي علامـــــــات
والرجل منهم حيّ وان مات ما مــات=
واحذر من اللي ما يحب الـضـيـــــافه= بـخـيـل وهـدومـه تـجـي بالـقـــــرافه
وعـلـمـه مـع كـل الـمـخـالـيـق تــــافه =
واشـرد عـن الـكـذاب لاتـسـتـمـــع له= تـراه يـهـرج لك عـلى غــيـر مــــــله
وان كان جاء لك صدفةٍ سـر وخــــله=
اجعل كتاب الله لك خير دكتـــــــــــور= يشفي البلاء حتى ولو كنت مسـحـور
كلام رب العرش طيب وميســـــــور =

الله الله الله
قصيدة وافيه
ونصائح قيمه
لاتحرمنا من جديدك
فالك الطيب