ثلاثـه فـوق فكسـار يبـانـي = مشينا والهـدف دار ابـن ثانـي
تحركنـا مـن الدمـام عصـرا = بعـد ماشيـك الموتـر يمـانـي
(علي عبدو) فحص زيت المكينه = ومر على التوايـر فـي ثوانـي
انا وسلطـان والثالـث مساعـد = وكـلٍ رابـط حـزام الامـانـي
قصيـد وسالفـه مـنـا ومـنـا = نظام السيـر ممنـوع الاغانـي
على الدوحه نوينـا فـي سفرنـا = واثـاري الوقـت دايـم قلّبانـي
ودار الشـور مـن هـذا وهـذا = وقالـو دبـي فيهـا مهرجانـي
وابو قبلان قـال ابغـى خوالـي = انا ماشفتهـم قـد لـي زمانـي
وبعد اخذ وعطا واشـوار واريـا = رضى سلطان واظنـه عشاانـي
وهو من عادتـه يطـرب خويـه =ردوده تـم لـو قلنـا عمـانـي
على البطحا برمنا الجيب الابيض = مع وقت الشفـق حـل الاذانـي
وختمنـا وعديـنـا الجـمـارك = وياليـل السـعـاده والتهـانـي
على (سان جورج) نمرح يانشامى= لحيثـه مـن عريقـات المبانـي
صحيح انه فنيـدق نـص نجمـه =ولكـن ميزتـه مابـه غـوانـي
يمشّي الحال في شكلـه وفرشـه = واجـاره باربعيـنٍ واميتـانـي
ومـن بكـره نوينـا بالتـسـوق = ماعنا وعنه لو نشـري صوانـي
(ستي سنتر) عسـى الله لايعيـده = رأيـت بداخلـه شـي دهـانـي
عيـونٍ كنهـا سهـوم المنـايـا = وطول وخصر ياليـل المعانـي
(حمر عيـن) المسمـى لاتمـره = تسبـب لـك زوايـاه اهذيانـي
انا في وجـه قـوات الطـواري = من اللي شفـت ياعالـم بلانـي
تبون الصـدق شـيٍ مايوصّـف = جنان فـي جنـان فـي جنانـي
وعلى برج العـرب يالله سرينـا = لحفلـة باسـكـال iiالمشعـلانـي
تمايـل لعنبـو حــيٍ ربـاهـا = تغروق مثـل عـود الخيزرانـي
وغنت (لمـا باشوفـك) حبيبـي = وكـل النـاس غنـو دان دانـي
خذت عقل المـروّس والكمنجـي =ضناني الشـوق والاماضنانـي
يطول الشرح والتقليـل واجـب =قبل تخلط هـزال فـي سمانـي
سياحـه لعنبوهـا مـن سياحـه = بجاحـه كلمـا فيهـا كـوانـي

ذكـرت الله ذكـره خيـرمبـدا = منّـزل (ق) والسبـع المثـانـي
وصلاتي والسـلام مـع التحيـه = على سيد البشر قاصـي ودانـي
حبيـب الله رسـول الله محمـد = عدد ماغنّـت طيـور الغصانـي
قريت ابيـات مجمولـه وزينـه =من اللي فاق في حبـك المعانـي
صبي (بللحمر))المدعو بناصـر = كريم وربعـه طـوال اليمانـي
وحرّك من كلامه شـي مبطـي =بقلبـي ماظهـر فـوق اللسانـي
عن الرحـلات ومسايـر نشامـا =هذا صاحب وذا جار(ن)وعانـي
على ظهر اشقح(ن) يطمي وينزي = سواة الخيـل مطلـوق العنانـي
وطلعـه مابهـا نفس(ن)ثقيـلـه = مافيها الا هـل علوم(ن)سمانـي
يازين الطلعـه اللـي رحتموهـا = ولكن ناقصه شخـص زهرانـي
يسايركـم علـى عـز ومكانـه = ماهو مقصور شـان ولاهدانـي
اخوكم لاحصـل خيـرا وشـرا = ويجعلكم كمـا باقـي الخوانـي
نسيّر من (بقيق)الـى (رحيمـه) = و حايل حي لـي ذاك المكانـي
ونقضي يوم في خضر المرابـع = على جالـة زهـور القحويانـي
وبعـده نتّجـه نجـد العـذيـه = ونقضي يـوم والا يـوم ثانـي
ونحزم عفشنـا ونـروح بـدري = على خـط الحويـه والمحانـي
وناصل ماتسمّى(الطايف احلـى) = مرابع خظر واضمنهـا ضمانـي
وناخـذ فالشفـا يوم(ن)وليـلـه = ونقضـي فالهـدا ليلـه كمانـي
واذا فالوقت باقـي نقصد(ابهـا) = معا وقـت الصبـاح الاولانـي
وانا ماسك لي سقـاره واغنـي = لكـم قلطـه بقاف(ن)محكمانـي
واذ جينـا ربـوع ابهـا نريّـح = اليـن الفجـر لافـج الاذانــي
ونبـدا رحلـة الصيـد الطويلـه = ورا تثليث من صوب قحطانـي
معانـا بندق(ن)شاخـت بطونـه =منيمس والحـزم فـوق المثانـي
الين تطيب الانفـس ثـم نرجـع =بدون نـروّح (دبي)و(عمانـي)
لكن الشيخ ناصـر وش علامـه = ذكر في رحلته نـاس ونسانـي
عموما ما في الخاطـر حسوفـه = انـا وانتـه سـوى يامودمانـي
واذا سويت لك طلعـه ف قللـي =وتلقـى زود شكـري وامتنانـي

سلمت يا سيف العرب

الله يعطيك الف عافيه
نقل مميز

لك المقدريه والوقار

فالك الطيب