مســـكـيـن من مثـلي تـوّلتـه الأوجـــاع = والـصـّبـر كاويني ولا عـاد أنا أقــــــــواه
وأنـا نهيت القلب والقلب مـا أنـصــاع = مـا طـاعـني والـوقت قـفــّت مـطـايــاه
أمسيت أصالي لوعتي بـين الأضــلاع = مثل الـجريـــح اللي عـدوّه تـــوطـــــاه
وأنا لقيت الحب في الـعـالم أنـــــــواع = نـوع يـريـح الـنـفـس والـنـفـس تـهــــــــواه
مـا فـيـه مـخـلـوقٍ غـدى فـيـه مـلـتاع = ولا يـخـيـب اللي وقـع فـيـه مـســـعـاه
ونـوعٍ يـجـي للي وقـع فيه بـــصــداع = وآخر مطاف الوقت يـطفش يــشــنـاه
والموت ثم الموت من حب الأطـمــاع = وراعي الطمع ما يـنـفـعـه لـو تــنـاســاه
راعيه تلقى له تــمـاثـيـل وأطــبــــــاع = فـلا تـغّـرك ضـحـكـتـه في مـحـيـــــــــاه
يبدي لك البسمه وفي الأصل خدّاع = واللي قـوّي الـقـلـب بـأفـعـالـه أغـــــراه
لـه عـادةٍ بـيـن الـبـشـر شـبـه مـذيــاع = يـبـدي كـلامٍ مـصــدره مــا تـــــعـــداه
ولـلـفـعـل مـنـانٍ ولـلـقــول ســـــمـــاع = والـسـرّ مـا يـحـفـظـه يـوم ولا أخـفـــــاه

صح اللسان وصح راعيه غرمان=جزل المعاني طوعتها حروفه

عساك تحيى في الهناء طول الأزمان = والله يجيرك من الزمان وصلوفه