يالله ياحـامـل مفاتـيـح الارزاق=المعتنـي فـي رزق نفـس خلقهـا
عن الخفايا ما علـى عينـك رواق=واذنك عن الاسرار ماهـي بصقهـا
تجعل نفسي من غضب وجهك اعتاق=وبيديـك علـق الامـور ووفقهـا
اغسل قلوب اهل التباغض والاشقاق=وهـون مسالبهـا وريـح شفقهـا
سبة مروجـة النمايـم بالاسـواق=اللي ما يملى الناس غيض شلقهـا
خيل النزاهة ما ورا الغايب سبـاق=وان قابلـه فهـو عليهـا صفقهـا
وقام يتمذلق قدام وجهـك تمـذلاق=واليا نشدت في جنب غيره لصقهـا
مطيتـه مطـلاع تحـدى وتنسـاق=وتركب عرو وان شد حمله وثقهـا
ومعمر روض التسالي لـه ارفـاق=ترفـع كباريهـا ويحفـر نفقـهـا
سبّايـة الغـرات قطّاعـة السـاق=اعراض خلق الله ليا غابت هتكهـا
وعشّيق للروضة مغـرم ومشتـاق=بئس العشيق وبئس باللي عشقهـا
مايلتم لو التفـت السـاق بالسـاق=وتقـسـم الارزاق والله فـرقـهـا
احـد يقـدم لـه حميـم وغسـاق=واحد بروضـة سلسبيـل وغدقهـا
ما قالـه القايـل الا بـواد طقـاق=لو صكت ابواب العرب مـا طرقهـا
منقـاد للعالـم مقانيـص وسبـاق=ثـارت شوازنهـا وهـدت سلقهـا
اهديت باقة ورد من ضمن الابـواق=ولا اقول لحد خذها ولا اقول ذقهـا
تجيب الانفس كلها اصحاب واصداق=ولا اخشى عقايبها ولا ارجي مذقها
الآدمي لـولا المكـارم والأخـلاق=كالحنظلة من عرقهـا ليـا ورقهـا